#NSS家庭
[Guest] 長文慎入*純發洩以及想聽下大家嘅睇法
寫呢篇嘢係我情緒非常激動
以及老母同佢maybe男朋友 呢度叫佢k
喺隔離房扑嘢嘅時候寫嘅
難免有啲1999請見諒
我幼稚園嘅時候父母就成日喺我面前鬧交
最後離婚收場
所以我好細個就過住經常性兩邊跑嘅生活
自從幼稚園被殺校之後我就搬咗去同婆婆住
星期六先會見老豆一面
細個真係好中意見老豆
有時候唔乖 姨姨仲會罰我冇得見老豆
搞到我同老豆而家關係越嚟越疏遠
最長試過2年冇見面
但係呢個唔係疏遠嘅好理由
–
我老母喺離咗婚之後就有咗男朋友k
細個仲好地地相處到
相處咗8-9年
4年級就買咗樓
(全部由女方及女方家人俾錢供樓
水電費都係)
3個一齊住
但係我5年級之後
K就開始成日黑口黑面同鬧我
老母已經因為呢個原因同k鬧咗好多次交
喺我小六嘅時候就分咗手
–
佢哋分手之後
我突然諗起小六有一晚
K喺我瞓覺嘅時候上咗我張床
凌空跨坐喺我大概腳嘅上方
當時我半醒咗 佢同我講”好快好快”
因為我係半醒狀態 確認咗大概5秒
佢冇掂我私人部位 認為佢係幫我冚被
就瞓番 到而家我都唔知佢做乜
因為我張床係好似碌架床得上層
下面係書枱衣櫃 而我唔知佢爬上嚟做乜
–
分咗手之後老母第一次約佢班frd嚟屋企玩
(同k嘅共同frd但k唔喺度)
玩到去凌晨4點幾先走
我本身同佢啲frd都算熟
但係唔知點解小六下學期就唔想見佢啲frd
所以就一直留喺自己房入面
但我清楚聽到佢啲frd走晒之後
有個我都識嘅有女朋友男人
佢哋就喺度傾計傾傾下我老母就喊
個男人就係咁安慰佢
跟住無端端走咗入房扑嘢(100%肯定係扑嘢)
跟住我5點幾真係忍唔到就走咗番婆婆屋企
晏晝我番屋企嘅時候
佢仲喺度扮冇嘢問我走番去做咩
最犀利嘅係佢同佢個frd事後仲可以frd到
–
自問我老母帶咗con個樣都算靚 身材都好好
我啲朋友見到都會話靚
去買煙都會俾店員check身分證
以上唔係鳩吹
所以佢身邊有好多異性朋友
呢件事之後老母唔知點樣
又聯絡番佢初戀 但佢有老婆有女
跟住有幾次仲單獨約埋上屋企飲酒
(我照喺自己房)
有一/幾次都入晒房 但我冇聽到聲亦唔想聽到
到而家好似keep住有Line 但唔知有冇約
因為佢經常性玩到凌晨飲醉酒之後
由男人送番嚟 有時直接另一日晏晝先番
–
跟住就試過一次過約幾個男人番屋飲酒
跟住又飲咗房 都係冇聽到聲亦唔想聽到
呢個情況淨係試過一次
–
以上呢三件事嘅主人翁們之後應該都冇一齊
–
跟住就係而家我中二
佢好似同k復合咗
本來佢仲會尊重我唔會叫我同k見面
但依然晚晚飲到爛醉先番
通常呢啲時候我都會同佢鬧交
跟住佢就會成日威脅我話叫k番嚟住
我完全唔驚
因為佢都唔係第一次飲醉酒帶k番屋企
有一次見到k勁囂張坐喺飯枱食嘢
仲係咁話我對佢哋態度唔好
老母叫佢唔好講佢仲喺度講
我直接係凌晨2點幾出咗街流連
直至一個鐘後老母先wts我問我去咗邊
話k已經走咗我先番去
–
以上我都已經唔係咁接受到
有想輕生嘅諗法
而家佢又飲醉帶咗k番嚟
我本來以為佢係自己番嚟
佢入到門口冇閂門
我就用正常語氣叫佢閂門 佢冇理我
跟住k就入咗嚟話我語氣差
問我係咪未俾人屌過嗰類
無端端又話我好撚廢又剩
因為我一直喺梳發冇帶bra着住睡衣冚住薄被
見到佢之後即刻將張被由頭冚到落身
佢鬧完我一兩句之後兩個就當我唔存在
之後就入咗房扑嘢
–
講真香港人呢幾年都好辛苦
但係應該好少人有我呢種遭遇
多謝你睇到呢度 我應該有好多錯字
雖然我唔知我究竟想表達啲咩
但係大家都要加油啊🫂