#NSS家庭
[Guest] 前言:本人寫此文章,係因為見到有樓主寫佢老豆迫樓主要十項全能,而我處境又有啲同佢似,所以決定俾各位評下理。(先抱抱該樓主+長文慎入*)
小妹同樣中一,啱啱十三歲,讀band 1A新界區中學。我一樣想講我老豆,希望大家會用心睇。
我老豆好想我做音樂人,可能佢以前讀書唔掂做唔到,所以不斷迫自己個女向呢方面發展。我唔知係咪個天都想我做,我四五歲左右就識玩作曲填詞。
你可能會諗,一個幼稚園小朋友寫嘅,九成九都係亂作一通唔成文章,但我偏偏唔係,當時好識押韻,連人哋家長,甚至親戚都大讚,而細個睇譜好叻,作曲係用數字簡譜,所以老豆好開心。依家睇番,其實都應該有啲料。
佢喺我五歲半就開始覺得我係佢嘅未來希望,佢嘅夢想,甚至當我天才咁,唱歌,beatbox,結他等等都叫我自學。細個其實唔明佢講咩,咁佢開埋俾我睇,我就有樣學樣。beatbox我算係咁,兩年左右就識大部分發音技巧,而眾所周知,唱歌自學真係好難,我自學咗四年,都未算穩陣。
當然啦,幾年嚟老豆都會迫我作曲填詞,之後show俾佢同事睇,佢設立咗「曲詞制」,內容係作曲填詞一首五十蚊,三個月內無一首,就要倒貼一百蚊,重嘅話可能真係打。
佢仲成日會拎我同人地歌手比,睇全民,佢話人地有樣有才,我就垃圾不如,又話幾號係我學習榜樣。睇聲夢仲衰,由於個個都十四五歲,同我差唔多,所以老豆會話,人地同我咁大,有知名度,有才華,而我就不過係過路人。當下我好嬲,我心諗,你五十歲大叔又唔見你唱得好…
頭先我冇講,其實我都係大小肌肉唔掂,因此頭先自學吉他都唔得,琴,長笛,或者只係各位都學過嘅牧童笛,我都學唔嚟。其實個人比較鍾意畫畫,但係八年嚟嘅音樂,如果放棄又唔抵…當然啦,我有顧好學業,都唔錯全級第三,不過希望各位俾啲意見同埋我應唔應該盡力圓老豆夢。
最後,呀媽好中立,佢唔會鬧其中一方,亦從唔插手事件。
跪求admin post
Sorry for 1999…