#NSS個人
[[GUEST]] 是咁的，小弟對某個師兄產生咗一種好奇妙嘅感覺。(長文慎入)
介紹返少少背景先，今年小弟F4，師兄F6。因為參加咗學校某啲活動，我哋識咗對方，我哋撞到大家都會傾一兩句，久而久之我哋就做咗朋友。
師兄為人好nice，講嘢溫柔同好有禮貌，平時亦都好可靠。小弟本身喺班上面冇咩朋友，而佢性格好好，所以我好鐘意得閒嘅時候會搵佢傾計，佢亦都會次次應我機。
一個月之前我已經發現我對師兄嘅感覺唔同咗。例如同佢一齊嘅時候我個心會跳得好快、佢讚我嘅話我可以開心成日（冇講笑，老師或者屋企人讚我，我唔會開心得好耐）、同師兄有身體接觸我都可以開心得勁耐、日日都好想見到佢等等。以前我都冇試過對一個人有呢啲感覺。
有一次我同師兄一齊溫書，我有個地方唔識，於是我問咗佢。師兄坐近咗過嚟教我，佢個臉控得好埋，我全程望住佢嘅側面望到入哂神，完全冇聽佢教咗啲咩。嗰時我真係有錫師兄塊臉嘅衝動，好彩我忍住咗。師兄之後問我識唔識，我有啲尷尬咁“嗯…”咗聲。佢好溫柔咁話唔緊要，佢再講多一次。嗰一刻我覺得自己好幸福，上世我肯定救咗超多人先可以同佢一齊溫書。
我而家唔肯定我係咪鐘意咗師兄定只係當佢係阿哥咁依賴，我有啲亂。我想請問你哋點睇呢件事？可唔可以比意見我可以點做？
Sorry for 1999!!!
麻煩哂Admin🙏