#NSS愛情
[guest] 小妹第一次投稿 有啲咩錯字 講錯嘢 還請各位見諒 篇文有啲長 希望大家會睇晒佢 辛苦晒admin同各位啦
我覺得自己好似鍾意咗A 講返少少background先 佢今年year2 我f3 我哋都係熱愛camping 行山嘅人
我同佢喺社區中心度認識嘅 大約係上年九月尾嘅時候 我哋一齊幫手搞一個攤位活動 我哋負責唔同嘅攤位 但係我哋都有傾過計 雖然唔算耐 但係我哋都有講有笑 我主動問咗佢攞IG 嗰陣我對佢已經有啲好感
當時我以為自己冇機會再見番佢 點知係12月嘅時候 我哋都參加咗一個行山+camping 嘅活動 令我再見番佢
喺第一次去camp嘅時候（12月頭） 我同佢都有傾計 但唔算太多 我同佢玩/傾偈嘅時候 佢會串返我 但係唔見佢會串其他人 佢冇帶牙刷 我講笑話同佢一齊用我嗰支 佢話ok 但係因為嗰陣我病緊 所以最後冇用到
第二次去camp嘅時候（12月尾） 玩活動嘅時候 要分組 阿sir話同D唔太熟嘅人一齊 佢都有主動同我一齊 我哋都有互相借野比對方 之後仲發生咗一啲事 我哋變friend左 但係發生咗啲咩事我就唔講啦 費事俾人認到 但係嗰時 我同咗佢講 我要移民 佢知道之後 明顯feel到佢有唔開心
去完camp之後 我哋一直冇見過面 只有喺IG傾偈 傾得都好開心 喺言談之間覺得佢好似有啲想約我出嚟 有啲鍾意我嘅感覺 唔覺得佢會抗拒同我傾偈 而且都會主動同我Message 同我講佢而家做緊咩 喺邊度
幾日前 我唔小心打咗俾佢 佢又打返俾我 佢同我講佢係想同我拜年 係特登嘅 我同佢講你淨係打一次 好冇誠意 之後佢即刻打返俾我 但係我又冇聽到 琴日 佢又再打多一次俾我 我哋傾咗好耐 聽到佢係咁不斷笑 好開心
想問吓大家 到底係我諗多咗但係佢都真係鍾意我 但係我之後要移民 各位可唔可以俾啲提議我