#NSS家庭
[GUEST] Hello 我係 #NSS220215D 嘅樓主
最近我有喉嚨痛同埋發燒嘅跡象(*´-`)
之後連續兩日快速檢測結果都係negative
咁就去睇普通樓下診所而家仲食緊藥
情況比第一日好但係都未叫完全好返
–
我而家無論係肉體定係心靈上都承受緊好大嘅痛苦
本身已經發咗兩日燒又頭痛又頭暈咁
我啊媽又不停喺度同佢啲大陸朋友傾我嘅事
成日喺度罵我前幾日做乜落樓下商場買嘢
又鬧我中咗肺炎嘅話會傳染埋比佢哋…..
(我係去買野食唔係行街唔係玩)
真係好嘈好大聲好煩，我想訓都訓唔到
佢就係不停咁囉嗦講嘢令到我真係好攰
仲要我喉嚨痛已經冇力氣去回應佢
–
如果呢幾日嘅行為係媽媽對我嘅關心
我真係未試過因為其他人比我嘅愛而感到痛苦
我淨係覺得好唔開心好攰好辛苦
點解我阿媽呢幾日都淨係不停咁鬧我
啱啱我食藥丸嗰陣濁親，噴到成張飯枱都係水
佢第一個反應係罵我咁大個人食藥都唔識食
跟住攞咗枱面啲嘢去廚房洗
一句對我嘅關心都冇…..
–
我當場即刻喊咗
但係我阿媽好似已經習慣咗我嘅唔開心
佢見到我喊都冇停到對我嘅責罵
對我嘅態度比以前差咗好多
係咪因為我已經唔再係以前嗰個七八歲嘅細路？
–
Anyway現實就係咁我都冇乜嘢可以做到:/
最後祝同為2022dse考生加油努力！