#NSS家庭
[Guest] 想問吓各位同政見不合嘅屋企人係點相處
小妹同屋企人本新關係都叫唔錯
直至有一次睇唔過眼屋企人係到鬧d唔應該被鬧嘅人 嗌咗好幾日交 即係嗰幾日係咁嗌交 後尾我冇辦法 住係同一屋簷下 我梗係收皮先
但由嗰日開始 我已經feel到我同屋企人越嚟越遠 好似我從來都冇識過佢地咁 真係到咗嗌交嘅時候先知道佢哋諗乜嘢
有時候間唔中都會嗌 但係一兩日就冇事
但今日已經係我同我老豆老母嗌交嘅第五日
我已經五日冇同過我老母講嘢
我已經唔知係咩感受 會麻木但又覺得好無助
我好想比佢地知道香港發生緊咩事 但佢哋永遠只會閙翻我轉頭
成間屋6個人 老豆老母本新就係大陸人 藍到pk
唔單止係藍 仲有觀念都我不能理解 例如女仔一定要結婚生仔 歧視同性戀 好多好多 不能盡錄
兩個細佬 一個仲細 一個中三 其實佢知香港咩事
但係大陸game照玩 五毛youtuber照睇
工人姐姐就算啦
所以成屋都我一個係咁 次次嗌完交我都好似透明人咁 老母完全唔理我 仲要偷偷地同我老豆講 同我老豆一齊話我 叫我細佬唔好癡埋我 比我聽到仲要串翻我轉頭 所以真係好hurt
呢排第一次有真真正正咁諗過認真溫書 爭取去外國讀書 遠離佢地 但最後又覺得我會唔捨得佢地 (講起呢層我仲sad 之前我屋企人問過有冇想出國讀書 我諗都冇諗就say no)
講真 我個人認為我一直都有做好好女兒 好家姐嘅角色 我唔知道點解我認為係正確嘅嘢 係佢地眼中係可恨嘅 呢個感覺真係好辛苦
所以真係好想知道大家同政見唔一樣嘅屋企人相處
係扮冇嘢 定係都係好似我咁成日嗌交
Sry for 1999 多謝大家聽我廢up