#NSS其他
[GUEST] CHILL CULB後對林家謙感想。
林家謙今次講野真係唔掂嘅。OkOk知你地想講咩架喇，佢講野真係好L差呀嘛。
利申講句我幾欣賞林家謙嘅作品。但佢上台嘅談吐表現真係強差人意。
點解？睇睇先。
佢冇一上台就拎住個獎先，仲有加多句：「個獎自己拎架，咁隨便嘅。」
之後又話：「個獎係計冠軍歌，咁好彩我作果d全部都有冠軍。」
拎唱作人嘅時候又講：「老是常出現，好煩」「無乜講野。」
到男金啦，又講：「唱歌唔係我本業，我作曲咋。」等等說話。
佢嘅態度好明顯係唔尊重個場合。
我都唔想幫佢解釋啲咩佢內向毒L定社交恐懼症喇，講埋呢啲野幫佢兜都冇L用。
我只係想講，林家謙3年前只係一個冇乜人識嘅作曲人。佢作為一個冇經理人，冇大公司，冇後台，出左道唔夠3年嘅歌手，有今時今日嘅成績，絕對唔容易，亦唔會係僥倖。
而我始終相信，佢今次上台嘅表現，唔會係因為佢串。唔知大家有冇睇返佢之前嘅訪問。佢曾經講過自己好後悔成為幕前，因為好後悔成為眾人嘅Focus。
喺之前叱咤頒獎典禮後佢亦有分享，好慶幸係姜B拎左個獎，甚致令佢舒一口氣。佢分享到如果大家鐘意佢嘅歌，聽佢嘅歌就夠。
唔知大家點諗，我睇完林家謙幾個訪問之後，只係覺得佢對於音機嘅熱誠，係大過佢所希望得到嘅成就。
去返CHILL CLUB先，冇錯嘅，佢講野講得唔好，冇禮貌，唔識講野，佢係抵Diu。(希望admin唔好鏟走呢個字🙊因為佢真係抵_)。
但亦都希望每一位熱愛香港樂壇嘅人，睇下林家謙嘅訪問，聽下佢啲作品，佢唱嘅又好，佢作曲嘅又好。睇清楚佢嘅為人先，可能你會發現，佢嘅唔禮貌，未必係因為佢串，未必係因為佢睇唔起ViuTV呢。
有人話林家謙唱歌似喃嘸佬，有人話佢似機器人，我唔反對。始終音樂風格嘅野，有人喜愛，亦實有人會反感。而林家謙嘅唱腔多人鐘意呢樣野，終歸亦都係事實。
林家謙今次表現好差，要鬧嘅。但我個人諗野好簡單，做錯左，做得唔好嘅：道歉，下次做得好返啲，咪得囉。人誰無過？
希望大家比多次機會佢(起碼佢去到最後都有多謝下啲Fans呀~)﹐都希望林家謙可以再為樂壇寫出，唱出更多嘅作品。
亦希望就如林家謙喺頒獎典禮上面講嘅最後一句：「希望大家繼續聽多啲廣東歌啦~」