#NSS個人
[希望願望成真] 希望admin可以po ig
我生活得好辛苦。 我唔係想博同情，我只係想求助，又或者係離開之前留下我生存過嘅痕跡。
我唔識同人溝通，唔識同人相處。
我細細個開始就成日自己一個，唔會去得罪其他人，亦都唔會特登同人講野。只係因為獨來獨往就被人霸淩，我唔明白，我做錯啲咩。從此之後，我好驚同人講野，同人傾計都只係一句起兩句止，每次同人講野都會下意識咁結束話題。我冇辦法望住人地講野，其他人都覺得我好冇禮貌，我亦無法次次為自己解釋。
升上中學後，我依然孤僻，同學校格格不入。但因一次巧合，有幸識到幾個朋友。只係前一排又開始被排擠。我依然唔明白，我做錯啲咩。明明我只係如常上學放學傾計。
原本，正常上課對我嚟講已經好困難，每一日對著一大班同學令我感到窒息，頭痛，透唔到氣，心跳加速。隨著情況惡化，手上嘅傷疤亦不斷增加，新新舊舊嘅傷口覆蓋咗我整個手臂，我好唔開心。
我去咗揾社工，去咗睇醫生，只係醫生需要排期，但係我覺得我未必等到，我唔想生存。當媽媽得知我可能患情緒病時佢亦冇太大反應，我好大壓力，我唔敢係佢面前唔開心，我只可以冷漠咁坐埋一邊。翻到屋企後我照常生活，就好似我從來冇去過醫院，而佢亦照常生活。佢冇話比學校知，亦冇話比親戚朋友知，甚至連其他屋企人都唔知。如果被人知道我有情緒病，就會被人歧視，我實在承受唔住。
我覺得冇晒希望，每日都生活得好痛苦。瞓著咗之後好驚瞓醒，瞓醒咗又開始唔開心、驚，每一日都過得好煎熬，我冇辦法形容我宜家有幾辛苦。
成個世界就好似得翻我一個，冇人會關心我，冇人可以聽我講。世界仿佛將我拋棄，大家都好似好唔鍾意我，我都好唔鍾意自己。我覺得自己好廢，就係同人相處都搞到一塌糊塗，咁樣嘅我一定好惹人討厭。
我諗緊，如果我死咗會有幾多人參加我嘅葬禮，會有幾多人燒野比我。我死咗會有邊個為我傷心，或者除咗家人之外一個都冇。我知道自殺好自私，但我真係好辛苦，我想自私一次。
我希望我從來都冇出生過，我希望我今晚瞓著咗之後就唔會醒翻，呢個只係我小小嘅願望，我希望上天可以聽到。
圖Link: https://ibb.co/jGX1TCr