#NSS學校
[[Guest]] 我想分享一下一次我畀小學老師冤枉嘅經過，希望大家睇完比d意見
我好記得果日嘅lunchtime，我同一行人比我嘅班主任（以下簡稱西蘭花）無端端叫咗出班房出面，我好記得佢話我地整蠱咗同學，要我地同佢道歉，同埋寫一篇50字嘅英文diary（呢度補充一下:佢叫我寫嘅英文diary，名義上話為我地好，想我地改善grammar同writing skills，但佢收到我地嘅diary後，唔會睇一眼，直接撕爛拋去垃圾桶度，故此有同學喺紙上面慰問佢老母，佢都唔知）但由於我冇做過任何事，所以我決定同其他人，向一個疑似嘅受害人道歉，點知原來佢唔係受害人…
後來我翻到屋企同屋企人講，屋企人已經嬲到「紅都面晒」，但佢地決定比個老師多一次機會，同時我揾到一個證人證明我係清白，證人表示第二日會同我證明。
第二日，西蘭花老師話要收diary，我表示冇得交，因為我清白，同時傳召證人作證，點知證人比西蘭花老師恐嚇，威脅，話唔可以幫我作證，否則即刻懲罰佢，於是證人被逼話「乜都唔知道」，西蘭花老師為咗懲罰我，唔比我食飯，要我作好diary先可以食，更向全班開我名，表示我就係呢件整蠱案嘅「主謀」，話我「獨自策劃案件，與其他人一齊行兇」，呢下比佢屈完，我跳落尼羅河都洗唔清…
同日放學，佢為咗懲罰我今日遲交diary，要我寫四百字悔過書，悔過書須包含以下嘅要求:
-悔過書上要有家長評語以及家長簽名
-不得冒簽，不得代家長寫comment
-不得寫廢話拖延作文字數
-最好將悔過書內容讀一次比屋企人聽
-不得寫任何抗辯理由喺悔過書度
-不得先請家長寫評語同簽名再寫悔過書，否則後果自負
-須於悔過書上表示認錯，要有真誠悔意
結果我翻到屋企，寫到一半，我屋企人睇唔過眼，撕爛拋走咗我嘅悔過書，話個老師變本加厲，第三日要投訴佢
第三日，佢話我冇得交，鬧我一餐，然後話要我請家長黎學校
Recess佢問我:
西蘭花:你誠實d，我好公平公正，唔會逼你認！你答我你究竟有冇做過
我:冇
佢:你果然唔認，我唔逼你，不過如果你唔認，我會請你家長睇住你認！
我:我冇
佢:你仲唔認！我好公平公正，唔會針對學生，你再唔認我就交你去訓導主任度，記你缺點，我唔會強逼你認，不過你認唔認！你認唔認你獨自一人策劃成件事，你認唔認你係主謀，你同其他人一起行兇，你犯案動機係咩我驚到認咗，條撚樣開心咁走咗，話lunchtime再詳談
最後我屋企人投訴佢，西蘭花話知道我早退好擔心，食飯都食唔落，我老母反駁話係比佢逼嘅
順帶一提，呢個老師好鍾意用「你手抽筋，腳抽筋，脊椎斷裂，骨折，發燒」等藉口送人去醫院，呢d侮辱學生嘅嘢佢經常講
件事幾個月後，當時嘅原告瘋子（人如其名，瘋瘋癲癲），失驚無神send message比我，話當年佢屈我係我錯，然後鬧我on9，侮辱我，人身攻擊我，慰問我全家，叫我全家去死，話屌我老母
呢件事帶比我心入面一條刺，宜家提起，班小學同學話我唔啱，話件事已經過去四年，再提冇用，話佢地屈我佢地冇錯，唔道歉佢地冇錯，好應該，好合理，話我係受害人都提起呢件事，非常不應該，話我小氣鬼，玻璃心，同大陸人冇分別，話即使我係受害人，佢地冇向我道歉，但事情已經過去，即使我係被害人，都唔應該有道歉，因為事情已經過去4年，話過去咁耐，佢地唔道歉，情有可原，合理咁話