#NSS學業
[RCPHKMC] 唔知大家明唔明白一個社交障礙/怕羞者嘅內心
我相信大部份人都唔會好似我咁怕羞
起碼大家都夠膽講自己想講嘅嘢
唔使怕人哋嘅目光
我細個嘅時候交際能力好好
而我依家嘅friend都係嗰陣時搵返嚟
但唔知乜嘢原因會覺得每個人都好憎恨我
喺我嘅內心
好唔想俾人發現我冇朋友
因為當人發現冇人願意接近我
就會越嚟越有多人覺得呢個人唔可以靠近
或者覺得呢個人好怕羞咁
但其實係我嘅內心
一直等待緊人哋主動同我傾偈嘅機會
我唔洗個個都對我好有禮貌
唔使我派一張工作紙俾佢佢就鞠躬/點頭
好似我咁怕羞嘅人會好想移民/轉校
就可以有個重新打造自己嘅機會
令人哋重新認識你嘅感覺
帶咗眼鏡之後
每日都好想除低佢
我覺得每個人都認為我好樣衰
所以喺學校以外嘅地方我都唔會戴
有啲人話我係學霸
而我都曾經係學霸
但係其實推動我去努力讀書嘅就係你哋嘅支持
首先我覺得如果我唔可以靠樣 唔可以靠社交得到朋友嘅陪伴
就注定我要努力溫習、讀書去換取
俾人話我係學霸
我會更加有存在感
我得到我想要嘅成功感
可能有啲人覺得使唔使講到咁誇張呀
但可能只係你唔明白我嘅感受
我中文好差
英文好好（又唔可以咁樣講嘅 比較好囉
我覺得英文同數學、IS…容易理解
但你同我講修辭技巧啊季候風嗰啲
我真係死俾你睇
但係成日接觸到嘅都關中文事
所以俾人話係學霸都只係一段時間嘅事
係孤獨嘅時候冇人開解我
我試過搵我細佬但次次都俾人話我好煩
我中一嘅時候曾經好想跳樓
但係我成日都覺得咁樣好自私
而且我仲有盼望
覺得之後日子都有可能會有好轉
我唔覺得我有抑鬱
我冇界過手亦都冇諗住界手
而且周圍有幾個真心嘅家人同朋友願意接納我
每次諗到呢點我都覺得好溫暖 好被愛嘅感覺
成日都覺得怕羞嘅性格好似係我嘅社交障礙
好鍾意上YouTube搵一啲解決怕羞性格嘅影片
‘How to deal with social anxiety’
‘Endless conversations’
都會成日祈禱希望可以倚靠天父
有時我真係夠膽主動搵人傾偈
或者有啲問題我明明知道點答我都刻意問
好想踏出我嘅comfort zone
每日返學放學嘅路程
我都會崩潰到流淚
諗起每日要面對嘅同學
要面對自己嘅學業
我都會好自責
喺學業方面
我會狂補習療癒自己
不停諗返尷尬嘅事 希望證明到我面對到
究竟係我自己嘅問題令自己大壓力
定係呢個香港令大家好大壓力？
希望大家俾啲意見我 🐸
Sorry for 1999