#NSS個人
[某間女校] 至不斷嘗試follow 我嘅劉小姐：
你其實停下唔會死㗎，你不斷好蠢咁樣用一啲好明顯係你嘅account ，意義何在？我點解會突然間block 你WhatsApp 同埋Instagram可以由我地識左8年講起，除非你真係咁蠢、你應該都會記得你同你個老友記李小姐由細到大點樣欺凌、排擠我。之後仲要因為我話你，不斷咁樣話我先係欺凌你嗰個人，小姐你成熟啲啦（定係我呢啲平民冇資格批評你？）。我忍咗你咁耐，已經懶得同你坳，甚至會蠢到去嘗試討好你（對唔住我做唔到你嗰啲完美好朋友喎）。
到而家我將你同我啲中學同學比，真係發現真心對我嘅人係唔同啲。你識咗我八年，你日日淨係識得埋怨我記性唔好，記唔到你幼稚園嘅時候做過啲乜嘢，之前我六年級個成績進步咗好多，你就走咗去打電話俾我阿爸，誇大我同你講嘅嘢，話我喺度榮耀？啊小姐啊，你仲要講到好似我得罪咗你前世咁樣。我唔理你真正係咪真係記性咁好，記得我幼稚園啲嘢，但係你淨係憑呢樣野就不斷係到話我唔當你係真朋友，話我對你唔好，呢啲係公主病定係無藥可救？
真心嗰句，我之前真係有當過你係我嘅best friend，但係你又當我係啲乜嘢？你嘅追兵？你飲一杯水食一塊餅我都要知？你自己問吓自己啦。
係呀，我係咁冇禮貌、咁唔尊重「朋友」㗎啦，不過嗰位「朋友」又點樣對我呢？佢真心需要反省一下。
你係街上面千祈唔好叫我個名、打招呼，當我係啲唔識嘅人就得㗎啦，因為我永遠都會咁樣對你。除非你反省下你自己做過啲乜嘢，再答我點解會同你絕交。
係咪好熟？你之前咁樣講過野？唔緊要，我相信你唔會好似我咁蠢，真係去做嘅。