嘉靈

#NSS其他

[嘉靈] 咁嘅 我住公屋 相信大家都知公屋唔畀養狗
但係偏偏就好多人養 而我鄰居就養咗三隻狗
之前落街買嘢撞到個鄰居放狗 由於我鄰居係一個非常健談嘅人 就捉住我係咁同我講嘢
點知佢同我講 佢三隻狗都係大陸淘x偷運過嚟 我當時真係呆咗 心諗:淘寶有得賣狗嘅咩?
佢又繼續講 話咩要打麻醉針塞喺車尾箱 然後又用曬命嘅語氣話 佢隻狗又搭過飛機又坐過船先過到嚟香港
我知個鄰居喺真心鍾意狗嘅 但係都唔應該用啲咁唔道德嘅方法 去買隻狗返嚟囉