#NSS家庭
[GUEST] sor for 1999 我文筆好差
小妹15歲，冇錯，我就係一個咁小氣嘅人☺️。
女親戚稱為A
男親戚稱為U
話說我有兩位長輩級嘅親戚自上年12月由英國飛返香港探親，而撞啱香港禁飛令，就一直到而家都返唔到英國。而佢地以往係香港都係係我地屋企住，呢4個半月亦不另外。（我屋企係單親家庭，有多餘房）
/
我想講佢地嘅事跡真係好令我無語，咁我順時間寫落去。
/
首先，佢地係完全唔煮飯嘅。（唔係唔識煮，佢地職業係廚師）一開始，就係早午晚餐我地要包曬，唔係我煮就係我老豆煮俾佢地食。佢地一蚊食材都唔會買，而且公仔麵+藥粉沖劑呢啲 佢地買咗仲會收埋係房自私食。
/
我就zoom期間1:30放學嘅，我最撚嬲嘅就係佢哋朝朝坐係屋企睇大陸劇集，而我上完堂仲要飢腸轆轆咁死入廚房幫佢地準備lunch。（而且每次我煮嘢佢地見到都會話：哇咁多嘅！哇邊食得曬呀！但最後食得最多係佢地二位）偶爾亦會撞見我落堂出客廳，見到佢地買完外賣返屋企，然後佢就會拎住「兩個」飯盒問我+老豆食唔食，喂大佬 五餅二魚呀？正常份量嘅飯盒仔，會唔會夠兩位成年人食？
/
平時我買頗貴嘅cake佢地會食曬都算
問題係佢地會用屋企嘅食材煲湯+沖薑水+煮飯，亦淨係for佢兩個自私食，我同老豆係一啖都冇。但每次都係我地先發現唔見咗d食材，先知原來佢地煮過嘢。
/
仲有樣好搞笑嘅嘢，就係A嘅娘家係好遠嘅地區，佢地幾乎每日都會過去煮飯收拾，但係我地度就完全雙標。得佢地日日出街，我+老豆淨係樓下買餸買完返屋企。
某次A話俾我地聽，話娘家嘅工人係屋企身體嚴重唔舒服，然後A就係佢娘家攞到兩個快速檢測盒，過幾日自己做完。
然後我老豆就開始發燒持續幾日，我地全家都開始喪咳，過左8日左右我+老豆冇埋嗅覺，嗰段時間我係超級痛苦，每日就係喪咳+聞唔到嘢。到失去嗅覺第4日，A親戚先話俾我地知，佢當初做完快測係陽性🙄🙄🙄，而係佢娘家嗰邊中完傳染俾佢嘅。喂大佬呀大佬，你陽性係唔撚係唔話俾我地知呀，你明知你日日去嘅地方大爆發，都唔係瞞咗10幾日等到我失去嗅覺先講😶
/
然後就係衛生問題
U親戚一向都會瘋狂地係成日大聲咳到甩肺，唔掩口，咁武漢肺炎咁嚴重，我地心理多多少少有啲唔舒服。U親戚又會成日係屋企扣喉吐痰落去廁所。我地屋企大有好多病菌係度飄里飄去～
.
呢段患病嘅日子我老豆發燒，我就少少感冒feel。
咁就冇煮早午餐俾佢哋。當時UA親戚身體比我地好dd，我地就期望佢地會煮俾我地食。點知嗰幾日大家真係鬥耐性鬥坐，佢哋寧願食曬我買嘅麵包都唔會煮。
/
同埋佢哋每朝由8:00開始爭廁所用到凌晨三點😶😶，例如U親戚啱啱去完，入房攞水杯斟水 換A親戚去廁所，A親戚啱啱離開廁所U親戚又入去。然後就24小時係度車輪戰咁攻陷我屋企個廁所。
/
其實主要係少少分享+呻
多謝各位睇我篇廢文，我任屌嘅