#NSS家庭
[Guest] 我阿媽好賤格
我阿媽每日要我做曬屋企所有家務
仲要煮埋一日三餐
我每月得$100零用
仲要係我阿爸比嘅
（我阿爸阿媽我一出世就離咗，因為我阿爸唔想要細路覺得好煩，我阿媽就想要嘅不過係仔咁解姐
所以佢不嬲都冇當過我係人
平時一係叫我全名一係叫我死廢青
每日係都要搵啲嘢同我嘈
成日串我 仲要出到街同人講話我好懶咩都唔做淨係識玩 又講到佢好辛苦咁
明明我每個禮拜淨係打三日機每次淨係1個鐘
啲家務又係我做
我做做下功課又走黎話「做咩呀做，你咩蠢做咩都冇用」之後又繼續話我廢青
但係原本我以為佢對邊個都係咁
但係我細佬返咗屋企之後完全唔同曬
（我細佬之前住我婆婆屋企，純粹因為我阿媽唔想照顧佢，大個咗先返嚟住
我細佬返咗嚟之後佢比左間房我細佬，佢自己一間房
而佢就將我張床放咗出廳（下星期先搬
宜家我同阿媽訓同一張床
重點係我係度咁耐都要同你同床
我細佬一返嚟就有間房
其實我冇房都冇所謂，但係點解要訓廳？
我由細到大都有好多嘢想學
我同過我阿媽講話想學結他
佢就話我發明星夢仲要不自星力
根本兩件事就唔關事
而我細佬宜家學緊🎹同埋🥁
全部都係我細佬阿爸比錢嘅
因為佢阿爸好有錢比好多錢我細佬學嘢
（我同我細佬同母異父，我阿媽離咗兩次
同埋我細佬有自閉症，啲錢全部都係我細佬阿爸出嘅
其實係呢個屋企真係好大壓力囉
我以前仲做過pt 諗住幫下屋企
點知又比我阿媽話發錢寒
日日都比佢串比佢笑
完全冇諗過我感受
更冇當我係人。