#NSS個人
[Guest] 希望可以po ig 🙏🏻
小妹今年中三，小六時杯葛欺凌過一個同學，最後呢件事隨著小學畢業不了了之。但我呢排諗返，覺得自己行為好錯好蠢，仲要永遠傷害咗嗰個同學，真係好對唔住佢。我知就算道歉都冇用，我已經傷害咗佢，但我一開始認為無論如何，道歉或多或少應該可以醫到佢少少傷痕（呢個只係我見解），我亦想表達我嘅歉意。不過我之後上網揾過，有啲人話道歉會對受害者造成二次傷害，特別當受害者生活過得好好，幾乎已經忘記傷痛嘅時候。咁我睇嗰個同學ig，佢生活都幾開心，咁我就諗不如唔好道歉啦，我唔想再傷害佢。但我又覺得「怕再傷害佢」只係一個唔道歉嘅藉口，我亦睇得出佢仲未放下呢件事（當然呢個係正常，我唔係話佢記仇，只係陳述事實），所以又覺得應該要道歉。咁我應唔應該道歉？同埋想知道如果道歉應該講或者要避免講啲咩🙏🏻
希望有人可以俾下意見🙏🏻 sorry for 1999