#NSS家庭
[GUEST] 直入正題
我屋企有爸爸、媽媽、姐姐、我、妹妹、同細佬
自從細佬被證實有閱讀障礙，我媽就就晒我細佬，一開始都冇乜特別，到近兩年我開始接受唔到我媽對我細佬嘅偏愛。
咁我都高form，就算唔為學校嘅考試溫書咁都要為DSE同自己前途作準備。就好似近排我UT，我嗰日由一放學到食飯前都喺新屋溫書（因只有自己喺屋企會靜啲），食飯先返舊屋企一家人一齊食飯。食完飯我要去「教」（即比答案）我細佬做功課（平時我會放學後都去「教」細佬）。我溫完書返舊屋企就發現我細佬遲咗去補習，咁即刻帶佢去啦，返到去一開門就比我媽話。
咁我明白係我錯，佢鬧我正常。但係佢直接叫我唔好溫書、叫我唔合格、叫我出嚟搵工，只係「教」細佬就可以。呢下我燥咗。仲話我冇為屋企付出，只係享受，呢兩間屋都冇我份等令我感到心寒嘅說話。雖然我爸同家姐都有撐我，但係佢嗰句叫我唔好讀書真心傷到我。一開始係佢叫我讀，而家我肯學又鬧我，我好似做咩都錯咁。
我唔知我仲可以有咩方法去解決問題。心很累🥲