#NSS個人
[GUEST] 朋友不需要多 真心足矣。
我今年中四，喺過去三年都冇識到幾個真心frd，就算有好frd嘅，都只係好表面嘅關係(不談心事只會開玩笑打鬧)，但個個時候其實好多frd，都認為人係越多frd越好，但其實唔係。frd係重質唔重量的，直到我上到中四，我先明白到呢個道理，因為發現自己雖然好多frd，但一個可以談心嘅frd都冇，唔開心時都冇人可以陪我傾計，所以我就漸漸改變呢個諗法，到咗而家，終於比我識到一個真心frd，我地好啱傾，好多嘢講，興趣都一樣，就算彼此沉默都唔會覺得尷尬，相處時非常舒服，唔開心時就互相安慰，開心時就一齊分享，雖然淨係得佢一個，但已經比個一堆表面嘅frd足夠，所以成日聽到人話自己冇frd好少frd，其實真係唔使咁介懷，你放低呢種諗法，自然地同身邊嘅人相處，有相同磁場嘅人自自然然就會互相吸引，做到真心朋友。