#NSS家庭
[大埔學校🏫🤡] 長文慎入
我阿媽受大好大嘅情傷，跟著不斷同我無了期咁訴苦。
我阿媽喺佢中學識咗個男朋友，第一次情傷。喺我三年級離婚，第二次。第三次，係而家嘅嗰個。
就咁聽好似好命苦，我都覺，但係我想講佢而家都離中學好遠啦，佢都可以不斷咁同我提返，提提下喊，我心唸，我嗰陣得8歲，識條毛咩，我都算。
三年級離婚，我阿媽反而又無嘢wo，我真係無語咗lo，結婚大事你無嘢，中學嘅嘢你可以同講成4年唔斷，而家佢仲keep住，我一個都就黎Handle唔到，而家又黎多個。佢喺公司識咗個男仔，個男仔唔介意佢有小朋友、年齡、離過婚，佢ofc深深地愛上佢，但係人地有未婚妻，一個月後就結婚，難聽啲佢而家做緊人小三，維持咗1個月，而家都未斷。
可能呢間事其實同我一啲關係都無，其實唔係，個男嘅會上黎屋企，加上佢又係個渣男，令我阿媽不斷飲酒，我又要幫佢執手尾，佢不斷咁同我講佢點點點，幾唔開心，佢就死啦，不斷無理取鬧，我真心受夠，我心唸我仲想死，佢每日返黎第一句就係關於佢初戀或者個男嘅，再唔係就搵嘢鬧我，發洩下，diu完我又唔認，極度情緒化，我而家真係覺得我似阿媽多過佢，我勸唔郁佢都算，佢啲fd勸都無用，我真係無辦法lo，佢咁嘅狀態維持咗好耐，佢一日唔斷段關係，我就一日安寧都無，每日唔係聽到喊聲、罵聲就係開酒瓶嘅聲，我真心受夠。
最慘係我阿媽好後生，啲fd都好羨慕我阿媽又靚，後生，會同我一齊追星，所以我更加無任何地方可以發洩，因為佢哋都唔信我阿媽會咁，認真痴線㗎，我得嗰十幾歲，究竟想我比到啲咩reply，就算比到，你又話我老積，咁想點？
我認真忍夠啦
sorry for1999🙏請diu細力啲