#NSS家庭
[Guest] admin辛苦晒！po ig thxxxx💖
呢個問題不停喺度困擾住我 希望大家可以俾啲建議🥲🙏
超長文傎入
可能有啲亂 先同大家道個歉🧎♀️
真係想搵個地方去發洩一下自己嘅情緒
講返我自己先啦，我今年14歲，讀緊一間都算幾top嘅中學，係屋企嘅single child，屋企環境都算唔錯。
事緣係咁ge，小學一年班開始我爹哋失業，我媽咪就決定辭咗個工人（之前個工人夜晚俾我用電話），就叫我爹哋全職照顧我，我媽咪就負責做嘢搵錢，但係我爹哋係一個可以話係非常恐怖嘅家長，佢鍾意喺雞蛋裏面挑骨頭，小學頭嗰兩年佢都算正常，只係有事我唔合格嘅時候佢先會鬧我，但係小學三年班開始佢唔知發咗乜嘢顛，我考80幾分佢都會不停咁樣打我同埋鬧我，有時仲會因為一啲好unreasonable 鬧我打我，佢都會用一啲好極端嘅方法來懲罰我，好似叫我罰企11個鐘唔俾我食嘢唔俾我飲水唔俾我去廁所咁樣，佢仲會要求我唔俾我自己溫書，一定要佢陪我溫先可以，但係佢陪我溫嘅結果就係我每一日朝頭早6:00起身溫書溫到夜晚10:00先可以休息，食飯15分鐘去廁所計時一分半鐘，我細個嘅時候仲覺得佢係為我好先會咁樣對我，但係可能因為我比較早熟，反叛期來得好早，我四年班就開始日日同佢嗌交，但係嗌交嘅事源都係佢喺度無理取鬧，好似佢話佢自己準備去沖涼但係我就好想去廁所，咁人有三急好正常啫係唔係啊，係嗰陣時佢會拉我出嚟跟住喺度鬧我仲會打我，我：wtf？？？我究竟做錯啲乜嘢？ 好多時佢都係因為呢啲好無理取鬧嘅理由當我挑起呢場交，再唔係就我考低過佢嘅預期分數，但係佢預期分數係95分，95分唔容易考😂🥲，我小學成績真係算唔錯🥲🥲，至少我高小嘅時候科科都有A呀，我就咁樣喺佢嘅控制底下渡過左六年嘅小學生活。
到咗中學，如佢所願我升咗去一間Banding好好嘅學校，但係佢到咗中學佢都要求我考全級頭10，佢仲變本加厲咁樣去鬧我打我，中學我終於可以開始自己返學，但係佢嘅要求係每次放學都要打七次電話俾佢，但係我屋企同學校嘅距離都算幾近，佢係要求我出校門打一次電話去到地鐵站再打電話上車再打電話落車再打電話去到某間shop再打電話去到屋企樓下嗰個出口再打電話去到屋企樓下嗰個閘再打電話，我真係頂唔順囉，由學校返屋企講緊30分鐘都唔使嘅路程，冇人會喺光天化日底下拐人（？
我真係頂唔順佢嘅控制 我就開始唔理佢，佢都開始唔理我，我原本覺得咁樣都算唔錯我終於唔使受人控制，但係我開始越嚟越唔開心，我爹哋唔理我輪到我媽咪去理我，我媽咪唔會打我，但係佢每一句講嘅嘢都好似一把刀咁樣插入我個心。
跟住到2020年嘅12月14號，我好記得嗰一日，我媽咪真係唔知發咗乜嘢顛突然間衝左入嚟我間房將碟晚餐成疊冚落我塊面嗰度，跟住佢就走咗出街，我嗰陣時真係好委屈好想死，第一次自殘就係喺呢一日，冇幾耐就被學校社工發現咗，就拉咗我去睇醫生，確診咗抑鬱症同埋焦慮症仲有PTSD。
我係2021年一月確診咗，之後嗰半年我都冇點樣返過學，日日就留喺屋企發霉，毫無意外我留咗班，因為我成個下學期根本就無返過學，我媽咪都唔同意我入醫院。
（呢度講一講返我媽咪，我媽咪係一個對我爹哋非常之癡迷嘅人，非常非常非常之愛我爹哋，佢堅信因為我哋係基督徒所以結咗婚就係結成一體，永不分離，就算我爹哋點樣打我佢都係企喺我爹哋嗰一邊，總之就永遠覺得都係我唔啱我先會俾人打）
我就咁樣渾渾噩噩渡過左中二嘅下學期，到咗新學年，雖然我仲係中二，但係我開始有膽返學，雖然都係會成日唔開心，我媽咪仲係用佢嘅語言去攻擊我，我爹哋雖然冇打我，但係佢都會成日喺度吟吟沉沉講得好大聲話我點樣唔好果樣唔好，總之就好撚煩啦
到咗11月我情況開始急轉直下，日日都喺度界手自殘，係冇1分鐘我係開心嘅，咁樣渡過左兩個月，到咗一月我返學校考試嘅時候，社工就見到個情況真係非常之唔好，都唔理我媽咪嘅意願，拉咗我入醫院，雖然喺醫院會有啲唔習慣，但係唔使見到佢哋兩個感覺真係非常之無敵勁好。
住院一個禮拜之後，精神科醫生終於嚟睇我，我媽咪同埋我姑媽我爹哋都嚟咗，醫生同埋心理學家都覺得我呢個情況已經係屬於重度抑鬱症，已經唔再適合住喺屋企，留喺屋企只會令我情況更加唔好，剩係得兩個選擇，一係去家舍一係比親戚收留你，咁啱我表哥去咗外國，我姑媽就收留左我。
我依家已經住咗係我姑媽嗰度一個月，姑媽姑丈真係對我超級好，我喺呢度真係好開心，可以專心係自己學業嗰度，但係我媽咪真係好撚煩，我真係唔識點樣形容佢囉，佢係日日夜夜都打電話黎求我返屋企，如果我唔返屋企嘅話我就會揼咗你部琴（小妹好鍾意彈鋼琴，以音樂為夢想）佢會不停咁樣send WhatsApp過嚟講我哋母女之間嘅Memories，不停叫我返屋企唔好再喺我姑媽屋企嗰度住，佢都會叫家庭社工勸我返屋企，真係好嘔心囉，就算我依家搬走咗一個月，我有幾日真係忍唔住同佢嗌交，完完全全係發晒癲，用電話同佢嗌交，當然我咁大聲我姑媽姑丈都會聽到，佢哋除咗安慰我之外真係無能為力，我媽咪真係好撚難搞，我媽咪都會叫我爹哋錄音俾佢再send俾我（我blog晒我爹哋嘅所有聯絡方式，唔block我媽咪嘅原因係因為我每個月嘅生活費都仲係由我媽咪出） 聽到佢哋兩個把聲我真係好想喊，我唔知我究竟係做啱定係做錯，講真我真係好強勢都好心軟，佢哋咁樣對我我反而係覺得自己好似好對唔住佢哋，但係又諗返起佢哋之前點樣對我，我唔知我究竟係做啱定係做錯，都同過社工講呢啲事，社工都話我媽咪真係好撚難搞。
唔好意思大家我講嘢真係好亂，我真係唔知點樣做，我依家淨係想我媽咪唔好再搵我，等我可以自己安安靜靜處理自己嘅情緒，在處理好自己嘅學業，追番之前冇返學嘅時候教嘅嘢，但係我真係唔知點樣做，希望大家可以俾啲建議我。🧎♀️🧎♀️🧎♀️
好多謝睇到嚟呢度嘅你哋
sorry for 1999