#NSS學校
[Guest] Admin po ig pls thx 🙇🏻♀️
(長文慎入！(sorry😖
Hello～移咗民一段時間，亦都返咗學幾個月，所有嘢都幾順利(^o^)
不過最近我有少少煩惱，希望大家可以俾啲建議我可以點做😣
係啦我都返咗學咁耐，但係識嘅朋友都唔多。老實講，其實平時大部份時間都係同另一個香港人（下稱A）一齊。因為佢早過我嚟，所以初頭有咩要幫手都係搵佢。仲有另一個同我差唔多時候嚟嘅香港人（叫住B先）。咁多數時間都係我哋幾個一齊。
但係其實我唔太想成日咁樣圍爐。
A話過因為以前冇香港人所以先焗住要同鬼仔玩，其實佢都唔鍾意同佢之前玩開嗰幾個一齊，所以依家佢淨係痴住我哋。一嚟咁樣我好難識新朋友，同埋本身啲鬼仔已經識得耐又熟哂，所以要融入就更加難。
留意!!! 我完全冇想怪A嘅意思（投稿唔係想話佢），因為我嗰陣都有選擇同佢做frd ，而且我絕對可以自己去熟其他人。但係見到A成日都想痴住我哋（依家直頭如果最尾嗰堂唔係一齊上，佢都話要約埋喺邊個出口等，然後一齊走。其實我覺得冇必要）我唔知可以點開口同佢講，其實我唔太想成日淨係同佢玩。
仲有另一個(幾嚴重)嘅問題，就係我哋幾個平時都係講廣東話。我自己其實覺得咁樣真係唔係幾好，不過你話你之前咁耐冇同學同你講廣東話，依家識到香港人想用返廣東話溝通，ok我完全明白，但係可唔可以盡量低調啲。尤其喺學校多人嘅地方，即係課室或者樓梯，可唔可以細聲啲講，或者喺耳仔邊講，咁樣唔會太明顯。佢平時咁樣大大聲講廣東話我都唔係幾好意思，有時我甚至唔係幾想應佢。其實我有試過俾hints，叫佢唔好咁張揚（佢應該get唔到 )
我唔想變到好似喺香港嘅大陸人咁💩(雖然依家可能已經係😢
試過有一堂係做好多人嘅分組活動，類似簡單嘅小grp project 。有個同學諗唔到其實有個更好嘅方法，咁我同個同學講可以點樣做。咁個同學做緊嘅時候，A就都幾大聲，用廣東話喺佢面前講咗啲笑佢嘅嘢。個同學之後望一望佢，然後繼續做嘢。之後成堂如果A同我講廣東話我都冇出聲應佢，最多點下頭。
咁我最近有同B傾過，原來佢都有一樣嘅諗法。佢話有時喺學校講廣東話都覺得唔係幾好意思。不過我哋傾完都唔知可以點樣做。其實啲鬼仔鬼妹對我哋都幾好（先唔理係咪真係真心，就算肯表面nice我已經好appreciate🥺 ），只係難融入佢哋嘅圈子，因為佢哋自己已經熟到爛。
但係我哋唔知點同A講。我哋唔想A覺得我哋唔想同佢做frd。A除咗上面幾點同埋有啲judgemental 之外，個人其實唔差。
最後多謝你哋睇哂篇嘢，長咗咁多唔好意思😖
屌得輕手啲pls💀
希望你哋可以幫下我，睇下可以點搞🥺🙇🏻♀️
（ 同埋！如果你覺得自己有啲似以上咁樣，希望你都可以一齊試下融入其他人👉👈）
希望大家最近都過得順利啦<3 ～
Sor for 1999