#NSS愛情
[[Guest]] 我應唔應該告白？
小妹今年中二，補習嘅時候識咗一個同我一樣都係中二嘅男仔。我哋大概識咗三個月，我對佢都產生咗一種莫名嘅好感。
我哋都依家嘅關係就係朋友以上，戀人未滿，行為舉止都好似情侶，例如：
我未搬屋之前就住得好近，所以成日補完習一齊搭車返屋企，但係搭緊電梯上返去大堂嘅時候，佢無端端搭我膊頭，將我拉到好近佢。我縮咗一下之候佢就話：「sorry 吖，唔記得咗你係女仔添」嗰下我呆咗，因為我哋嗰陣只係普通朋友。
另外，佢成日都喺message 後面打啲心心emoji （🥰😍😘❤️）俾我，唔知係特登定佢慣性咁樣做。
其次，當我哋上堂嘅時候佢成日都望住我，或者其他人話我哋好似情侶嘅時候，佢完全冇否認，搞到我好尷尬。
然後，我之前有數學測驗，做Past Paper嘅時候有幾條唔識做，佢好有耐性咁教我，我估我就係嗰陣鍾意咗佢。
我唔開心嗰陣，佢又會諗辦法氹我開心。佢幾日前post 咗個IG Story, 就問我哋嘅關係係點。我拉咗個poll去朋友嗰度，佢同我講話覺得我哋係好朋友，唔知我仲有冇機會呢？
我知大家可能覺得中二仲好細個，應該focus返學業方面，不過我都想聽下你哋嘅意見，表白定放棄好？ 如果表白失敗嘅話，我哋會晤會冇朋友做？
Sorry for 1999, 小妹文筆唔係咁好，敬請多多關照🙏🏻🙏🏻