#NSS個人
[紅色學校] 小妹真係好煩惱，我哋英文堂係分組上嘅，而我就係e組，我啲frd係哂c組，之後我哋e組老師編咗我後左右都係啲唔識嘅男仔，得前面係我最熟嘅男仔（講過兩句嘢），之後分組活動，老師話同附近嘅人二人一組，我前後左右都各自同佢哋附近嘅frd一組，成班得我一個人冇組，一個人座係度唔知做咩好，俾前面個同我少少熟男仔見到都好尷尬，咁都算啦，之後個老師俾咗份功課，話要同各自嘅組一齊做，就係要用英文描寫對方嘅特點，之後我同老師講冇組，佢叫我同後面嘅人一組，但佢已經有組，我唔想煩佢，我宜家唔知點算好，聽日個英文堂都唔想上