#NSS愛情
[GUEST] 由於我想確實唔想畀人知道實際我係邊個(知道會好大獲)
以下事情有機會性別對調，假時間或提供不詳盡資料等各種會干擾事實嘅字眼，可能件事唔合理，請各位當故事睇就可以啦
小妹係我岩岩升到小一個陣，我鐘意左一個低我一級嘅師弟。
我同佢係因為另一位女同學而相識，個陣時個女同學係鐘意呢一位師弟，而我係助手。
慢慢地，我同個位師弟熟左，我成日同佢一齊玩，有意無意地等佢放學。
係某日，我問佢鍾意咩類型嘅人，你會唔會中意我個位女同學，佢答我話：我以前已經識左個女仔，我好掛住佢，我仲中意緊佢。
我聽到個陣心酸一酸，但無表達出嚟。
係往後嘅日子，我依然經常陪伴佢，同佢一齊放學，直到某一日，佢識到我其他女同學之後，我對於佢哋之間傾計傾得好開心感到妒忌，我嬲左，之後將怒氣發洩係佢身上。
雖然最後都無事，但係我 ….
到某年暑假，我同佢視像通話，佢介紹左自己屋企D野比我知，我當年以為佢對我都有feel，就打左一大段野同佢表白，但係最後fail 左，就講自己其實係真心話大冒險輸左先咁做。
往後係學校個陣我比人暗串左一餐….
升到上小二，我開始頂唔順佢個種玩弄我係手心之上嘅feel，我開始溝同級其他男仔，而當時我同師弟之間嘅隔膜愈嚟愈大，而我同樣地嬲緊佢，係咪好小學雞呢？我都覺….
結果，又真係比我溝到我同級嘅一個男同學，我哋一齊左，之後我將呢件事打比師弟同佢講，得到嘅只係普通朋友嘅一句：『居然，恭喜你！』之類嘅說話，完全無任何妒忌嘅感情。
從此之後，我決心要唔再理佢
之後，無論師弟搵我做咩，我都會答唔識無時間之類嘅推左佢，可能佢都慢慢發現左唔對路，之後都無搵我啦，我同佢絕左交…
而我現在仲同緊個位男同學一齊緊，其實我只係將呢位男同學當係一把槍想攻擊個位師弟，但係，我失敗左。
話雖如此，我同呢位男同學都算OK，只係…其實我個心入面仲有小小師弟嘅存在。
我已經將我同師弟嘅所有聊天紀錄都刪除左，希望我唔好再有任何留戀啦
係咪覺得我好白痴，用同另一個人一齊諗住攻擊個師弟。結果仲要係佢無任何反應，我都覺得自己好蠢。
Anyway，我只係想同個師弟講，你嘅出現我諗係我第一次真係鐘意上一個人嘅感覺。
即使你絕對唔會睇到，又或者睇到都可能唔知我講緊你，但係我想同你講，多謝你，同埋，再見
Sorry for 1999