#NSS家庭
[guest] 我阿妹真係好難教😭我初中，阿妹高小，一直都好自我中心，但最激氣係佢成日都唔認錯。
有一次佢亂撳屋企個電子鎖，觸發警報，之後我話佢唔可以亂玩電子鎖。阿妹即刻話「我幾時有呀？」，跟住就話「你冇證冇據話乜我呀？」過咗一陣又話「關你乜事？」，我話我想教好佢，然後佢反駁我話「我唔使你教！」跟住我勁嬲，鬧佢「你D咁嘅人冇人會同你做朋友」，跟住仲串返我「大家咁話！」。
呢啲事情日日都有，同佢講道理嗰陣就嬉皮笑臉咁串返我，真係好想即刻打佢😡
另外，我每次問佢打機打到第幾 level，佢都話「關你乜事？你係唔想我超越你個 level 啫？」，玩緊嘅時候又唔畀我睇，話我想佢輸，真係唔明佢咩心理。
我見其他妹妹都好乖，好聽大佬講，大家有冇應對方法？🙏