#NSS愛情
[狗男友] 有一日我同一個男仔起埋一齊咗 就係嗰一日嘅夜晚 佢所謂嘅「女同學」就無啦啦同佢講：「我有功課唔識呀 我哋聽日一齊做呀」利申個女同學係知道我已經同呢個男仔一齊咗 咁然後我男友就好直接亦都好積極咁答應咗佢 咁我當時都冇多諗啦 我就同自己講同friend一齊做功課好正常啫 但係 日子越耐 佢就同越來越多唔同嘅女仔傾電話 出街 我有同佢傾過 佢每次都係話我佔有慾太強 有一次 係我生日嗰陣 我就見到佢在線上啦 點知佢過咗成個禮拜都冇搵過我 就好似唔記得咗我生日咁 事後佢個friend就報串同我講 果一晚佢去咗個女仔屋企 咁我當場就崩潰咗 我去同佢講咗 然後佢都話好嘅佢唔啱 但係之後我入去個群組call嗰陣 我聽到佢同佢啲兄弟講緊我 我問佢嗰陣佢又話佢冇 最嚴重嘅一次係 佢同一個女仔一齊去迪士尼仲要過埋夜（佢同個女仔有好多曖昧行為）咁然後我就頂唔順啦 我就WhatsApp佢問佢咩事 結果佢完全唔覺得自己有問題 轉頭就同我分咗 但係過咗大約兩至三個鐘到 佢就無端端send message俾我 佢寫咗一篇文然後最尾嗰句寫住我哋復合啦好冇 然後前面啲內容基本上都係話我啲佔有慾太強（之前有件事就係我問一個男同學借功課 之後佢知道咗 就喺度發晒脾氣咁同我講 咁你咪去同佢過囉 唔使理我㗎啦 咁我當時都已經有同啲異性朋友冇乜來往 但係佢就每日都去唔同女仔屋企度過夜 ）所以其實係佢問題啊嘛