#NSS學校
[GUEST] 想回應返之前 派科嗰單嘢
其實我唔係唔想drop
只不過我學校唔俾
因為我個介係 冇咗通識
變咗公民與社會教育科
學校話因為咁樣算少左一科
如果drop 咗 好容易考差
會拉低學校成績
所以唔俾
同埋我學校要f5 先可以drop
唔知到時會唔會比 同埋我學校drop
啲人中四申請 中五下學期先比drop
有九成都唔會比drop
之前嗰篇野 係我嗰陣真係好唔開心
諗到就寫出嚟 正常講嘢都1999
sorry🙇🏻♀️
其實呢就係原本派科之前嗰幾個禮拜
我學校收咗幾個插班生 跟住直接攞晒啲chem
我哋自己學校都未派 就俾晒人哋
我嗰級好似得23個人揀
就算我唔係第20個
我都覺得成單嘢好唔公平
首先我唔會知自己會唔會係嗰20個
就算唔係 但係佢哋都唔應該咁樣
學校講明咗話死都唔會多個20個
但係最近上幾個禮拜
無端端有個大陸落嚟嘅插班生
中文都唔識隻 繁體字睇唔明
淨係識睇簡體字 同埋要講普通話
佢讀chem+bio 咁我都係讀bio
佢上堂 有時要就佢寫簡體字
老師有時為咗佢講普通話
搞到我好反感 明明喺香港
點解唔係佢哋就我地
點解要我哋就佢
Bio 個老師唔鍾意我
成日針住我
呢一科係我真係好鍾意
但係我真係好唔鍾意個老師
仲有好多同學都係咁認為
Chem 呢 係我讀書嘅動力
講返以前啦 以前我係一個唔讀書嘅人
從來未聽過書 唔係傾偈就發吽豆
升咗中學之後 知道要留班
即刻發憤讀書 我第一次有任何一科合格
仲有好多老師好認同我
呢啲滿足感真係好開心
F2 嗰一年 因為zoom 自然都差咗好多
F3 個一年 嚟咗一個好差嘅數學老師
上堂唔係解釋
唔教書 淨係俾啲工作紙我哋自己做
唔識嘅佢俾咗份答案你 自行理解
但係其實 我小學已經證實咗有學習障礙
仲有讀寫障礙 同埋原本有情緒問題
但係如果係我鍾意嘅嘢 就算幾困難我都會做
之前唔想留班嘅原因 係因為唔捨得啲同學
F2都唔想留班嘅原因係因為好鍾意個班主任
F3 我為咗揀科而努力 我為咗chem 我每次做完佢嘅功課 都會攞返黎溫 得閒就會溫chem
我真係真係好鍾意呢一科 我知自己唔係叻
唔係天資聰明 我唔相信 我勤力係冇用
上學期考試派卷 因為嗰陣係zoom 老師由第一名
講到去合格 派卷嗰陣 我驚到喊 我緊張到
郁都唔郁 第三名竟然係我 嗰陣我真係喊咗出嚟
我興奮到即刻喺屋企跳起 呢種感覺唔係個個都會名 因為我以前都試過努力過 但係都係失敗
但係今次成功 真係真係好開心
下學期 我考試之前都喺度搵老師
唔識嘅係咁問 考試嗰陣因為我大意
冇睇清楚題目 佢個題目個格式同上學期一樣
我以為佢係問 氧 嘅英文 我寫咗O
原來佢係問 佢屬於咩狀態 咁個答案係g
其實我係識㗎 衰在自己冇睇題目
最難嗰part計數 我淨係錯咗一題
我自己真係好開心 老師話都睇得出我係識㗎
真係大意咗 爭幾分合格 全級最高分都係六十幾
咁我學校如果要揀chem ge 一定要數學同化學高分 但係我衰係數學差 因為個老師唔教書
屋企冇錢補習 屋企經濟能力較差 自己理解能力比較差 一定係要有人教
派科嗰日 我派唔到之後 我喊咗成日
我搵咗chem 老師 我問佢究竟我適唔適合讀
佢同我講 你喺最難嗰part都識 嗰啲係中四學嘅嘢 呢啲唔係個個都識㗎 其實只要你之後夠勤力就可以讀到㗎啦 佢叫我都去上訴
我最後去咗上訴
個上訴老師 佢知我上訴入唔到chem
佢第一句同我講 你唔使諗 唔會俾機會你
我睇唔起你 你會讀唔成書
你呢啲唔係讀精英班嘅
只可以讀文科 就算俾你入到 我都唔會睇得起你
你個上訴我係會處理 但係結果一定係一樣
係唔會有可能
重點係個老師冇教過我 憑咩話冇用
睇都未睇過我啲成績 就直接咁樣講
總之唔係精英班就係垃圾？
我除咗英文同數學
其他所有科都合格
有啲仲好高分
我數學有曾經合格
我英文真係好差
個個老師就係同我講
你只要努力追番啲數學同英文
你就真係好叻 你只係衰喺呢度
人哋可能用一個鐘頭時間 可以學得識少少
但係我可能要用一日 先會學到少少
我用嘅時間同心機 要比所有人多
如果你唔係好似我天生有缺陷
你唔會明白 我哋讀書比正常人辛苦
其實講真如果唔係f1因為一個老師日日留堂
逼我讀 跟住最後考到96分 我獲得成就感之後
我先會讀返書 我小學個底都冇㗎 我直接f1追上來
所以英文同數學真係追唔到
但係其實我而家f4轉咗個數學老師
我真係開始又追番
始終我已經冇咗個心讀書
因為已經冇咗個動力返學
每一日唔係遲到 或者最後嗰幾分鐘返
或者唔番 我唔想自己再係咁
但係我已經控制唔到
而家老師逼我留低 我都讀唔到
個心唔喺度我就乜都做唔到
我係一個好有性格嘅人
你越逼我我越唔會讀 學校逼我讀咗旅遊與款待
呢一科係我眼中係冇用 除非係做旅遊業
因為我完全唔鍾意旅遊嗰方面嘅嘢
例如酒店嗰啲
我想做嘅 係護士 醫學系嗰邊
雖然 我天份係冇 但係我相信我勤力係做到
但係我唔可以自己讀 我真係讀唔到
我想搵學校轉 我試過 嗰間Band 3C 某某中學
佢哋話 我10月先嚟申請 太遲
同埋我得中文合格 同埋其他科 英文數學唔合格
連最差嗰間學校都話要中英數三科合格
佢哋話如果我當初係中三升中四嗰個暑假
轉過嚟 佢哋就會俾
但係真係太遲
同埋我自己讀緊嗰間Band 3
我想比大家知 Band 3唔係真係一定有位
唔係你想讀嗰科就有
我搵咗30-40間學校
一係就要中英數三科全部合格
一係就話太遲
一係就話唔收插班生
我真係好唔開心 點解無端端要比一個老師侮辱
我原本以前啲自信心 真係冇 難得我依家有 點解你要來傷害我 你嗰陣搞到 我生不如死
如果你唔係有情緒問題 你會覺得冇咩問題
我依家好迷惘 我仲有兩日考試
我好驚留班 我唔捨得我兩個班主任
同埋 如果今年留班 佢直接要我讀文科
我學校如果留班 係冇得自己揀
一定係文科
其他學校 有九成都唔會比我讀理科
因為我中四成年都冇掂過chem
中三啲嘢係人都會覺得你會唔記得
所以我而家 真係唔知自己可以點
我好想搵返我嘅動力chem🙏🏻
同埋我亦都試過 喺自己學校嘈到去校長度
佢個解釋就係話 你唔適合 同埋插班生係大晒
sorry for 1999
希望你哋可以幫我send出嚟🥺
Thx🙇🏻♀️