#NSS學校
[九龍男女校] 小弟f2, 最近有個煩惱
話說我讀b1a, 擅長理科，文科普通，中文麻麻，英文GE應該都叫好 (GE 80%到，不過writing好廢)，不過我實在唔鍾意英文，你話我係咪討厭佢又唔係，不過亦冇鍾意嘅感覺 (真係好難解釋😅
舊年個英文老師都叫ok, 但係今年嗰個真係教得好廢，交咗嘅作文從來都冇派返，進度又慢過隔離三班成個chp, 平時上堂成日講chinglish (唔係刻意講嚟笑嗰種，佢係真係以為嗰啲chinglish係標準英文), 佢自己作個篇範文又成堆gr mistakes, gr ex又改錯晒等等，之前ut全級成績好差 (avg唔合格), 佢又話我哋上堂唔聽佢講嘢，唔認真做功課等等，其實你啲英文都唔好得去邊啦，有咩資格話我哋？我哋班有個同學英文超勁，老實講我覺得佢啲英文水平仲高過呢個老師囉
好講完個老師，我想帶出嘅係，我原本冇特別鍾意或者討厭英文呢科，不過今年因為呢個導師嘅關係，我好真憎英文堂，亦好憎做英文功課，諗返轉頭隔離幾班嘅frd都曾經提過佢哋個英文老師教得廢，不過至少好過我哋班嗰個，我阿哥今年f4, 佢話我哋學校真係冇一個教得好嘅英文老師，咁就死啦，我本身已經對英文冇興趣，而家再加上啲英文老師教得唔好，咁即係冇人可以改變我依家討厭英文嘅諗法 (要令一個學生由討厭變到鍾意一科，個老師真係要教得好好先得，我今年個西史老師就係一個好例子，不過呢度唔詳細講喇), 既然冇人會改變到我嘅諗法，我DSE死硬啦
真係好希望嚟緊幾年會有一個教得好嘅英文老師教我，咁我讀官校，年年都有好多老師嘅調動，所以都有希望嘅，不過除咗守株待兔，大家有冇啲方法俾我？
admin pls post ig🙏