#NSS學業
[Guest] 就係咁嘅，小妹今年中三，咁而家就放緊呢個嘅「暑假」，學校係放完暑假之後安排咗三日嘅小測，咁我係一個成績極差嘅人，中三要揀科，對於呢件事好煩惱，好驚自己行錯每一步都會影響到之後嘅人生或者學習？睇到依度可能大家都會叫我溫書，有嘅，呢個假期都勤力咗溫書，但係始終都係要睇吓到時嘅發揮，雖然呢個嘅小測應該唔會佔太大嘅分數，但係都係想盡力去測好。佔得比較多嘅應該係學期尾嘅考試，上學期好似已經佔咗40%，咁唯有喺下學期嘅平均分或者考試拉返。問題嚟啦，小妹目前對揀科呢樣嘢毫無概念😭，上網都係睇得多話跟住自己嘅興趣揀,或者第時想做啲乜嘢。興趣呢講真每一科我都冇乜，想學關於心理嘅嘢，但係中學當然冇呢一課學啦，跟住就轉咗目標準econ(主要係因為好似econ對工作有幫助)，咁我學校就未介紹過econ要讀啲乜嘢🥲，上網睇又好似唔定，所以希望大家比下意見🙏🏻econ但佢要學啲乜嘢同埋搭咩科最好（冇咁難讀嗰啲因為始終成績比較差，就算想揀都未必揀到👋🏻）或者大家有冇讀緊啲咩科推介下大概讀啲咩或者點樣搭配，萬分感謝！
Sor for 1999
Thanks admins po ig 🙇🏻♀️