#NSS愛情
[Guest] 我只係想分享一下自己既故事 :0
從小學開始，我同 朋友A(女）同 朋友B (男）一直都係彼此最好既朋友，生活中嘅大事小事都會一齊分享。
小學畢業之後，我哋都好有緣咁入咗同一間名校，由於我哋嘅成績都唔錯，所以一直都係同一個精英班，見面嘅機會好多，有時放假都會約埋一齊出去玩。
朋友A 為人好nice好溫暖 亦都幾靚 ，同佢相處耐咗慢慢地就對佢有好感，但可惜嘅係佢同我同 朋友B 話佢同屋企人打算之後移民到外國生活，所以我一直都冇同佢講我嘅心意 （因為我覺得我哋之間冇可能）
朋友B 知道 朋友A 要移民之後唔耐，他就起夜晚WhatsApp 我話佢鍾意咗 朋友A 唔知向唔向佢表白好。我當時完全不知所措，諗咗好耐，只好鼓勵佢去。（果晚我失眠咗好耐）
第二日放學，我自己行咗另一條路返屋企，冇同佢地一齊行。果然，朋友B 同佢表白成功，但佢哋都知道一年半之後大家就會起唔同嘅國家生活，所以佢哋都冇起埋一起。對於呢件事，我完全唔知要用咩心情去面對。
但天意弄人，在 朋友A 要移民的大約一年前，佢好開心咁同我哋講佢屋企人改變咗主意（唔知咩原因），唔打算移民。 嗰一刻，我成個人呆咗。
當然，知道呢個消息之後，佢哋成為咗男女朋友。
之後，佢哋約我一齊出去玩嘅時候我都盡量以各種藉口唔去 （唔想做電燈膽）。睇住佢哋嘅互動，我個心都有一種無法形容嘅感覺。有時佢哋問我幾時想問返個女朋友，我亦唔知點回答。
最近得知，佢哋打算入嘅大學係同一間，而我卻唔係。有時我都會諗，如果當時我先向 朋友A 表達心意，而家陪起佢身邊嘅會唔會係我。
但我唔想破壞屬於我哋之間嘅友情，更唔想破壞屬於佢哋嘅愛情，所以我只好默默咁祝佢哋幸福。