#NSS學校
[九龍某學校] 學校竟然可以迫一個完全唔關事嘅人食死貓？
（小妹第一投稿，請見諒🙏🏻）
是咁的，半年前我學校有條友以學校名義係某某secret度出咗個post鬧某個同學，之後校方就高度重視呢件事，因為佢哋覺得好影響校風，所以要搵人承擔所有責任。
而我個friend，佢就係高被鬧同學兩級，佢唔識被鬧同學，只係識得一個被鬧同學嘅同班同學，並且聽過佢少少事蹟。不過，學校有一日就搵佢，問佢做乜無啦啦網上鬧其他同學，佢就當然完全唔知發生乜事，就問返學校到底佢做錯啲乜。之後校方就比出各種”證據”，話佢投稿鬧人。不過佢啲”證據”就只有投稿一篇、投稿個post嘅留言同like咗個post嘅人，然後就鬧佢無理取鬧同老屈同學。
大佬，你冇證冇據，咁都可以話我個friend係投稿人？佢仲同我講，原來佢係審訊過程係冇見過被鬧同學，被鬧同學更冇講過係我個friend係投稿人，被鬧同學仲多次幫我個friend求情。姐係成件事係校方自己玩哂，求其搵條友食咗隻死貓就算。
最後，我個friend其實係學校比證據佢睇之前完全唔知有個XX secret，仲冇睇過個投稿，更加冇like過個post，佢宜家就咁比學校記咗一個小過，基本上佢話佢已經因為呢件事而前途盡毁。
唔該晒admin幫手出post