小妹今年中二，
話說我間學校係一間競爭好大嘅學校嚟。
雖然好大壓力，但都知道係為咗之後dse冇咁辛苦。
咁我哋學校都出咗名係dse考得唔錯，
但係亦都出咗名係啲資源分配會係elite class優先。即係話elite class嘅人會有多啲卷操，有extra嘅嘢做咁。
咁小妹成績就一向麻麻，偏科都偏得好嚴重下。
英文算係最好嘅一科啦，所以撞彩入咗英文精英。
入咗精英班之後的確係有進步，但同樣好大壓力。
我呢啲唔係真係特別勁嘅人其實係特別大壓力，
遇到全級最勁嗰啲人，而且佢哋之間鬥爭都好大。
每次考任何test，個老師都會講晒最高分嗰啲人出嚟。
真係會好大壓力，會好自卑。
一方面，精英班係淘汰制，
你一失手，基本上都會畀人踢出去。
咁你入咗嚟，往往都會有好多人以為你好勁⋯
「嘩⋯你話你考得差？你elite喎⋯」
「你一定係頭十名啦elite class⋯」
但事實根本唔係咁，
只係啲人過份解讀⋯真係會好大壓力
出返去又驚會面對好多質疑⋯
(每年會Foul走幾個⋯換新嘅考得好嘅入嚟⋯）
知道一定有好多人咁講：咁大壓力咪quit咗佢囉
但真係兩頭唔到岸⋯
想quit又唔係 Quit左又要承受另外一啲壓力
另外，每逢有乜嘢test，就會喪操卷。
我試過係一個星期做成7-8份past paper，
Workload係普通班嘅7-8倍。
仲未計功課，未計上堂嘅時候做嘅卷。
呢種高壓嘅操法，真係令我好大壓力。
雖然我知 有競爭先會有進步，
但係我依家反而係兼顧唔到其他科，
將所有時間花晒喺做卷上面，
都已經真係冇乜時間理其他科。
唔係曬命啦，只係真係好困擾我。
我亦都只係一個讀書慢車邊嘅人。
有冇啲有經驗嘅人可以分享吓點樣可以同時兼顧到咁多科？我知道如果要進步就一定定要有取捨，但咁樣真係令到其他科目好唔平均。