#NSS個人
[某女校] Admin post ig thx
小妺今年form 2 ，band 1 中學，自認係成績中上嘅學生，父母尤其是媽媽對我嘅成績要求都幾高，要求全部科一定要有全班top 5，但係我做唔到。
我每一個禮拜都會盡量溫書準時交功課，做到好似模範生咁，我最近諗深一層，模範生呢個樣好似淨係做比媽媽睇，我自己其實唔係好鐘意讀書，我係鐘意畫畫，超鐘意，次次畫畫我都好開心，不過媽媽唔贊成我未來行呢條路，我自己都明白，我老豆曾經都係呢行，喺香港冇乜出路，賺唔多錢。
我間學校D人成績方面好勁，我個best frd (下稱A）係一個好好既女仔，一個科科A全班第一嘅學霸，我不嬲都好佩服佢，A係嗰啲唔見佢溫書但係攞高分嗰種學生，我知佢介意「學霸」呢個標籤，所以我唔會點同A講學業上嘅嘢，頂多同佢一齊溫書，但係我哋嘅成績差距係母雷公咁遠，其實我唔係好care自己D分數，反而係我媽媽佢最介意，佢知A係我中學入面最friend，於是每次test、考試，莫講話係咩測驗考試，連最無聊嗰D唔計分嘅quiz/堂上練習都會攞我呢個薯仔去同一個學霸去比，係每一次都會攞我哋2個比較。
究竟係我溫書溫唔夠定係咩，點解我永遠都比唔上A？點解媽媽永遠都要攞我哋2個比較？點解媽媽話比較係為我好，令我有動力進步，但係我真係feel唔到我有乜嘢進步，重好似係退步，要用A去傷害我既自尊心？我真係好唔明，我好驚咁樣可能影響到我同A既友誼，畢竟升到中學我真係識到一個好朋友，我唔想因為成績而冇咗個好朋友。我真係好迷惘又好自卑，講真有時我真係想喺高處跳落去，但係又唔想對唔住我嘅家人，畢竟佢哋對我期望好高，我唔知點樣做好。
純發洩，第一次投稿，sor for 1999，唔該晒Admin🙏