#NSS愛情
[GUEST] Halo halo大家好！小妹f1 大概係四個月前鍾意咗個男仔 亦都係我第一次暗戀人 好想同佢發展落去 但呢排發生咗啲嘢令我好猶豫 唔知應唔應該坦白同佢講話我鍾意佢 希望大家可以嘥少少時間聽我9up🙏🏻
我鍾意嗰個男仔係我以前嘅補習同學 同我住同一個屋苑 大我兩年 佢好有上進心 亦都對自己嘅未來有規劃 有夢想 佢同我都啱傾 唔會冇話題 所以我就咁鍾意咗佢……但有一日我同佢call 佢話我聽佢鍾意左個女仔 話同佢同校細佢幾個月 我聽到個刻好想喊 但依然扮開心咁同佢講 你加油啦 話唔定有機會呢！之後佢依然間唔中會搵我call下 打下機 咁Call嘅時候講吓講吓講到佢鍾意嗰個女仔 佢話佢ig係公開 但係唔肯比名我 我cut咗線之後真係癲咗咁去逐個逐個睇 睇咗400幾個 （而我自己IG一直都係公開）夜晚瞓覺嘅時候又成日諗起佢 雖然佢平時對我冇乜禮貌 又會話我on9呀蠢呀嗰啲 但係我都鍾意咗佢 暗戀真係好攰☹️
但係佢又成日有啲行為令我覺得佢都鍾意我…只不過吹個大話出嚟😬（純粹猜測 唔係妄想症）
1. 有一次我同佢zoom 佢share screen開晒佢手機嘅嘢俾我睇 包括佢相簿 ig嘅嘢 我feel到如果我同佢一齊一定會好有安全感 但我知道一切只係我幻想
2.佢之前會無啦啦問我 如果有人同你表白你會點？
3.我哋兩個讀大學嘅時候都有可能出國 佢就話 遲啲你都去英國嘅話我帶你去進修
4.佢會主動約我去玩（eg長洲）
呢啲行為令我覺得我同佢唔係普通朋友咁簡單 當然可能佢淨係當我係bro😐
感謝螢幕前嘅你睇到呢度～我真係冇呢個勇氣同佢坦白話我鍾意佢 我驚表左白之後連朋友都冇得做……😖希望大家可以俾啲意見我…亦都希望大家唔好因為我係f1而取笑我 我相信唔止得我一個f1有鍾意嘅人🙏🏻
Sor for 1999小妹第一次投稿 文筆可能唔太好🙏🏻
希望大家睇得明🙏🏻and thank you admin🙏🏻