#NSS愛情
[guest] 小妹今年f1，讀男女中學
我左邊同前面都係男仔，平時都會一齊玩，好傾得埋，有共同興趣，同佢哋玩嘅時候可以好癲，我最近發覺讀咗成年，最好嘅朋友係佢哋兩個，同女仔玩/傾計嘅時候，我唔會玩得咁放，同佢哋兩個玩，我可以做返真正嘅自己，我呢排喺度諗，我究竟係咪鍾意佢哋，於是上網搵咗啲資料，嗰啲特徵我全部都冇，例如同佢哋玩嘅時候唔會心跳加速，唔會緊張，見到佢哋嘅時候唔會特別興奮，但係我平時喺學校真係淨係會同佢兩個玩。係WhatsApp嘅話，我哋除咗大嘅班grp, 有晒全班35個人，有10幾個人有個細grp, 嗰兩個男仔都係個grp度，我喺個grp度咩都講，由學業成績到屋企發生咩事都會講，但係喺學校就真係淨係同嗰兩個男仔玩，我係咪好怪？