小妹今年F2，有個細我三年嘅細佬
從細到大，我感覺我阿媽多少偏心我細佬
我小二嗰時攞咗我人生第一個喺考試嘅100分，雖然係英文聆聽，但個次係我人生第一次考試有100分
我嗰時勁興奮同我阿媽講，點知佢講話「英文聆聽咋嘛，廢架」
其他細節我都已經記唔清，唯獨呢句我記得勁清楚
而我細佬小二中文聆聽80幾分佢吹咗佢成年
喺我小四嗰年我中文聆聽攞100分，呢次我阿媽冇再潑我冷水，佢話佢會獎部平板俾我（雖然係1000幾蚊嗰隻，而且仲要攞我啲錢買，但我已經好滿足）
結果買完之後冇幾日俾咗我細佬，我之後冇再用過部平版
我用我啲錢買咗我嘅禮物黎俾我細佬？？
而喺我小五嗰年我細佬確診過度活躍症，差唔多呢段時間我細佬已經曳到全校老師包括校長都識佢
我身為佢家姐啲老師都識我，不過唔知我叫咩名，除咗有教我嘅老師淨返嘅都淨係會叫我XX家姐，連四年班對我好好嘅科任老師都係咁樣，到我畢業都係咁
甚至我畢業幾個月之後返去小學，嗌得出我個名嘅淨返我小六班主任
大佬我有名架，我個名唔係叫做XX家姐啊
喺我從細到大，我成績都唔算優異，好似我第一次呈分試就考差咗
而我第二次嘅呈分試中文考到95分，嗰時我真係好開心，但我同阿媽講咗之後佢淨係講咗句「唔錯啊，考得幾好」
可能你哋覺得冇咩所謂，但係我難得攞咗個唔錯嘅成績，佢得句唔錯其實真係好傷
對比返我細佬，佢測驗攞咗個70幾分佢就同人吹咗幾年
佢呢排有個frd成日陪佢傾計，佢放假就從8點幾開始傾，佢傾計唔係問題，但係佢成日喺度鳩叫
明知佢家姐瞓緊覺都喺到叫勁大聲，仲要叫咩啲支那詞彙，有次仲要打打下機喺度唱蝈歌，我黑人問號
叫佢唔好嘈理都唔理我，同阿媽講又話佢仲細個
大佬佢都10歲啦，10歲連閂火都唔識，真心笑咗
可能你哋會覺得我玻璃心，我唔否認，因為我就係🌞
純發洩，唔小心打長咗咁多
Sorry for 1999