#NSS個人
[Guest] 早晨各位~小妹今年form1，喺友情上就遇到些少困難，想請教請教在座各位…
–
先介紹介紹我背景先，樣貌平平（可算上其貌不揚），然後成績唔錯（呢次考試係全級第一嘅），性格就還好。
–
我開學個陣遇到個同我幾投契下嘅同學，當然地就會同佢好frd啦，但係面授課程後無耐就好似浮雲咁飛走左，因為佢同其他人玩，我地越行越遠，有陣時我仲覺得自己同佢係一對平行線，互不相干。可能係因為我善妒，見到自己個frd同其他人玩會唔開心，所以我鼓起勇氣想同佢講我嘅心意，希望佢明白其實我好想佢做我唯一嘅好朋友，但係久而久之…呢種嫉妒就變成佔有慾，佔有慾就再變成仇恨。我搞左一大堆嘢，再認真諗返，我真係做多左，既然佢唔要我自己，咁就唔好困住係呢個無止境嘅漩渦，況且我都同佢地產生左唔少齟齬，都係時候停手。
–
停手過後，我搵左第二個人陪我玩，起初…真係好開心，一齊補習…一齊食野…一齊打機。人無千日好，花無百日紅，呢種生活，好快就比我嘅妒忌心摧毀：佢地一齊玩住上堂，開開心心咁樣，但係明明我就岩岩好坐佢後面；佢地一齊食飯，而無帶我去；佢地去影相，照樣無帶我，可見我喺佢地心目中嘅地位有幾低…我就係因為妒忌佢地，我開始慢慢疏遠，好似任何嘢發生都當作全然不知。
–
我真係意識到自己有問題，妒忌心真係過強，見到自己昔日與我一齊玩嘅朋友，居然會遠離自己嗰陣，真係好心酸，我都諗過係我嘅性格問題，我自己係好開朗，比人嗰種感覺係好明亮㗎，但係最大嘅問題都係我嘅妒忌心，我唔想每個人都話同我係bff完就走左去，我要嘅係真心…唉，唔知大家有冇方法可以令我嘅妒忌心唔好咁強呢？
sor for 1999