#NSS個人
[[Minion] ] Sor 我個名好怪😂 但係真係諗唔到💨
不過係想純粹發洩下。
唔知點解呢排可能青春期,脾氣真係差咗好多。原本好好嘅朋友,覺得我煩,跟住就成日都有拗撬我唔知係我問題,定係我撩交嗌,我真係好煩惱。再前一派新年嗰陣時,有時comment 少少嘢就畀人post secret,仲要畀人屈,係好大壓力,完全都唔知點算好。上咗中學之後,爸爸阿媽對我要求又高咗,加上COVID,有少少懶散咗。 雖然平均分都係攞a, 但係下學期係點真係未知之數,好大壓力。 好耐以前嘅時候我總覺得疫情好好,唔使返學,但係其實原來我發覺疫情真係會衍生好多嘅問題,例如朋友等等。 我不嬲嘅性格都幾樂觀,but有咗呢個疫情之後我個腦諗多咗好多野, 去玩,做運動嘅時候,就好開心。返到嚟對住啲朋友,學習就好似好艱難咁。好多friend都係我要主動搵佢佢哋先肯同我玩, 我只係想有啲會主動搵我出嚟玩嘅朋友啫,真係咁難?我真係唔想搞到自己冇朋友,性格變得好傷感,想問下大家有冇咩意見可以畀到我?thx 希望大家唔好喺留言嗰度屌我….. 呢個2021年真係令到我好迷惘….希望大家可以幫幫我,thx。