#NSS個人
[Guest] 有冇人同我一樣有個friend,借錢成日唔還。有時補完習之後,佢話肚餓想去麥當勞買個包食,問我借十零廿蚊,十零廿蚊唔算好多所以諗都冇諗就借咗畀佢。第二日我嗌佢還錢,佢好似扮唔記得咗咁樣,佢話有咩有咩?我當佢真係唔記得,同佢講多一次嗌佢聽日還錢。之後持續咁樣一路嗌佢還錢到一個禮拜之後,佢先還返啲錢畀我。有一次佢話係書局見到本書好鍾意,想買畀佢阿妹,話佢阿妹後日生日,書局聽日又唔開喎,所以問我借咗150蚊買書,呢個金額對我嚟講有啲大,但我當佢係friend都係借咗畀佢。借咗畀佢過咗大約五六個鐘,見到佢ig話買咗條新手鈪,caption 係: 150蚊嘅手鈪將就下住先啦😜*
我見到之後即刻喺佢個post度comment,話我借畀你嗰150蚊係咪去買呢條手鈪。
之後佢del咗我comment。
我諗冇咩事啫,反正我聽日返學都可以同佢當面對質啦,結果佢幾個月都冇返學,佢成日以為自己有抑鬱症做藉口,老師有講過話佢留喺醫院做治療5個月,我都體諒佢。
但見到佢ig story話嗰日去迪士尼,我真係嬲爆囉,為咗唔還嗰150蚊可以去到幾盡,冇錢還150蚊但有錢去迪士尼係咩邏輯??
之後我再pm佢,佢就block咗我
好彩我用第二個account,睇佢story,行程真係豐富,又去迪士尼玩,又去尖沙咀行街,之後又鋪去大埔踩單車,夜晚又影曬幾多buffet食。正一死cheap精,咁多錢做其他嘢但又冇錢還嗰150蚊畀我?
(佢唔係同父母一齊去,所以唔係佢父母請佢去咁多地方)
我已經唔需要佢還過150蚊畀我,但我希望佢道歉或者講清楚囉。