#NSS個人
[GUEST] 我係咪真係唔識傾偈
小妹今年f3，有個識咗10年嘅朋友。升中學嗰年我哋又識多咗個friend，一開始都唔錯，但係呢一兩年我發現自己同佢哋好似越嚟越唔夾，每次一齊出嚟都同唔到佢哋講嘢，慢慢每次同佢哋出街都係咁迎合佢哋嘅喜好，扮晒自己同佢地都鍾意一樣嘢，但係都好似冇乜用，佢哋講10句嘢我可能答到淨係一句。每次同佢哋出街都好似透明人咁企埋一二邊，都幾辛苦，好似俾人冷落左咁。
佢哋今年年頭又同埋另一個人一齊玩，每次同佢地三個出街我都係只係唔講嘢或者就比佢地笑我完全唔識佢哋啲嘢，我已經俾人笑到我完全冇感，連我都覺得自己係咪完全對呢個世界零認知。就算食飯都係佢哋三個傾偈，我就坐喺度食飯，完全答唔到嘴。我唔想放棄呢一個10年嘅朋友，但係每次同佢地幾個出去都好唔開心。想問有冇人同我一樣定係得我一個咁奇怪…