#NSS其他
[guest] Admin po ig thx❤️
事源係咁嘅，小妹有一個識咗五年嘅朋友，佢幾年前開始有小小情緒問題，我好想幫佢，但係我真係唔知可以點做。
佢最近因為感情&同同學相處嘅問題變得好唔開心，佢好耐以前已經有自殺嘅念頭，上個月開始又嚴重咗。佢嘗試過搵我傾訴，但係我由細到大都唔識點去安慰人，我次次都淨係可以畀到一啲好空泛嘅意見，我覺得自己好無用，連自己最好嘅朋友都幫唔到。
我知道陪伴係最好嘅辦法，但係我最近抽唔到時間出門做學習以外嘅嘢，我淨係可以通過電子產品陪佢，我好驚佢撐唔到落去。
佢係我最好嘅朋友，我唔想失去佢，近排我嘅壓力都大咗好多，心無餘力再去安慰其他人。我唯一希望係你可以撐落去，我應承你，等我有時間嘅時候，我一定會出去同你散心。
我知道你會睇到呢個post，希望你可以等我，我會繼續陪住你。小妹都祝大家可以喺呢個環境下開開心心，繼續加油❤️
純心事分享，小妹文筆唔好請見諒，多謝大家❤️