#NSS社會
[[GUEST]] Re: #NSS220228B
呢個好似已經係我第二個同類嘅投稿，但係對唔住，睇到呢篇嘢我真係有好多嘢想講。
.
耐唔耐都會有人走出嚟話：「你睇吓xxx，唔讀書都可以起家」「你睇吓yyy，輟學去追夢都成為咗成功人士啦」從而去草率咁下定論覺得自己根本唔需要讀書都可以成功。
.
我唔否認有一啲人真係有能力靠學歷以外嘅嘢闖出一片天，因為呢啲人其實真係存在。如果樓主係好俾心機讀書，但係都係自覺力有不逮，而同時你有其他更出色嘅技能，咁絕對冇問題；但係如果樓主只係冇乜恆心去讀好書，又或者覺得讀書好悶、唔想讀（從樓主嘅行文語氣都大概知道樓主屬於後者），咁我想問樓主一句：你憑咩覺得靠「一技傍身」出人頭地嗰個係自己？
.
先唔講呢啲人有幾少（少人始終都係有人，冇人話一定唔係樓主），你口中嘅「一技傍身」係咩呢？你都識講，要有「一技」啦。就算係最有天份嘅音樂家都要練返十幾二十年先做到音樂家，最有運動細胞嘅運動員都要練到周身傷先可以出人頭地，即使係靠炒股起家都要靠不停學習同trial and error先會精於投機。呢啲咁嘅「技」，雖然唔係喺學校學嘅嘢，但係要喺呢啲領域成功，有邊樣唔使堅毅？（職業兒子除外）固然，呢啲非主流（？）嘅範疇唔需要高學歷，但係路途同讀書一樣係顛簸同漫長嘅。一個讀書失利俾老豆老母抦完就好消極咁想放棄讀書做其他嘢嘅人，憑咩覺得自己會喺其他方面成功？就算俾你「發展」其他嘢，你係唔係有一日覺得悶嘅時候又會上嚟投稿話「其實唔一定做我依家做緊嗰樣嘢先係成功㗎啫」咁樣？
.
所以，如果你問心未盡力嘅話，勞煩你堅持一次，先再去講呢番說話。
.
對唔住，長氣病又發作添，sor for 1999
希望要屌我嘅各位手下留情thanks