#NSS家庭
[Guest] 大家好 小弟今年 F2 有件事想問下大家意見 ： 如果見到自己細佬妹犯錯 大家會唔會同父母舉報 ？ 定係會幫佢隱瞞 ？ 點解我會有呢個疑問 ？ 咁就請大家睇下面我嘅親身經歷 la ……
事源兩個月前嘅一個早上 我臨返學前竟然唔見咗銀包 搵極都搵唔到 眼見就嚟遲到 只好問工人借住錢搭車先（當時阿爸阿媽已經出咗門口返工） 返到屋企先知原來細佬整蠱我 佢趁我喺洗手間梳洗時收埋我個銀包（放喺佢自己嗰書包度）佢主動同我自首 還返個銀包畀我 然後話自己係一時貪玩 叫我唔好同父母講 我當時見自己順利返到屋企 佢又主動還返個銀包畀我+ 看似有啲悔意 就算啦 點知….呢個就係惡夢嘅開始😨😨 佢接下來嘅一個月捉住我呢個弱點（？）不斷蝦我 收埋我副眼鏡/筆袋/手機/琴譜/教科書（累到我畀人記缺點）😡😡😡 我忍無可忍 就鬧佢 ：「 你唔好咁過份 wor ….. 」 點知佢竟然話 ： 「阿哥你做咩鬧我 wor …. 都係同你玩下啫 」 於是我就一五一十同爸爸講 結果佢就畀阿爸 大鬧咗一餐 + 捉咗落樓下運動場跑圈+做sit up push up （ 阿爸係小學體育老師 呢啲係佢自細罰我哋嘅方式）（又可以強身健體 又可以起到懲罰作用） 但呢個時候我竟然唔係覺得開心 反而係有少少心痛…….可能係身為阿哥 唔忍心見到細佬受罰 ？？！！ 好不幸地 呢個心態畀佢發現咗 佢第二日就趁我喺洗手間掟爛我部手機+ 副眼鏡 然後逼我同阿爸阿媽講係我自己整爛 我本來都有啲心軟 想跟佢意思做 但後來諗到涉及手機 眼鏡 事態嚴重 就照直同阿爸講 今次佢仲嬲😡😡 話細路屢勸不聽 要重罰 ： 即刻捉咗細佬入房 應該係要打佢啦 之後就聽到細佬啲惨叫聲 （阿爸平時極少打人 佢今次應該真係激嬲 ） 之後再掟爛埋細佬部手機同埋眼鏡 話要佢承擔後果 睇到細佬畀阿爸打 我竟然有啲內疚（？） 心諗如果我唔同阿爸講 細佬就唔會咁慘 但其實我都明白阿爸係要令佢改過 真係好矛盾！！ 一方面又想要細佬改過 接受應有嘅懲罰 但一方面又 愛細佬心切 （俗語就話愛子心切🤣🤣） 唔忍心見到佢受罰 所以今日想問下大家到底我應該點樣處理呢個情況 ？ 遇到細路下次再犯錯時候咪應該要照直舉報？ 定應該按情況有所隱瞞🤣？ 我真係好驚唔解決呢個情況 將來就算見到細佬返犯法 都唔忍心報警 （當然唔希望佢犯法）「 小時偷針 大時偷金」 唔接受適當懲罰就唔會改過 但另一方面又愛細佬心切 始終血脈相連…… 真係兩難局面 ….. 唉…. 請大家畀啲意見 Thx
Remarks
1. 細佬嗰次畀阿爸打咗幾巴 塊面都有啲瘀紅 😔
2. 細佬部手機畀人掟爛咗之後 阿爸一直冇買返畀佢 反而阿爸買咗部 iPhone 12 畀我 話要補償下 睇住佢連手機都冇 我自己就用緊iphone 12 心情真係好複雜…..
3. 第一次細佬畀阿爸罰跑圈嘅時候 佢唔達標 返屋企之後仲畀阿爸罰抄 （抄中文課文20次） 當時我做曬功課喺度睇緊youtube 睇到佢仲喺度抄緊課文 真係有點….😔😔
講到尾 我都係衰心軟😔 但我始終又係佢阿哥……..
Thx admin 🙏