#NSS個人
[九龍區男校] 小弟今年F1，就讀嘅中學同某間小學有結龍；而我就係從嗰間小學升到現在嘅中學。
P6 嘅時候小弟係一個不折不扣嘅「廢青」，每日返學等放學，放咗學連校服都唔換就走去打機；勉強靠住少許的「聰明才智」攞到個合格、級名次雙位數、可以升結龍中學嘅成績，但係完全考唔到其他更好嘅中學。
與此同時，BFF A 考到超高排名學校 A。BFF A 就叫我 F1 考個好啲嘅成績考插班。
我都好想同佢繼續一齊讀書，於是 F1 傻咗一樣咁讀書，九月嗰陣連所有 game 都剷晒、每晚溫書溫到凌晨、一個個默書、小測都要溫到熟晒先肯訓覺⋯⋯ Mid-year 張成績表出咗嚟靚靚仔仔，級名次個位數；而學校 A 又已經開始招插班生，於是就遞咗表。
同時，我將呢個消息話咗俾同校嘅 BFF C，叫佢守秘密。點知 BFF C 有一日突然間口響爆咗出去，全班同學 + 部份老師都知道我想轉校；依家全班 8成人都覺得我利用佢哋攞一個高啲嘅級名次，然後走去轉校。有啲直接當口當面串我，有啲冇直接講，但係我都從佢講嘢嘅腔調、望我嘅眼神隱隱感覺到佢地當我係小人 / 叛徒。
其實我如果唔係一心一意想考學校，又點會考個咁好嘅成績呢？何況我張成績表又唔係得級名次一個好容易受到別人影響嘅 reference，我中英數三科主科 A 係完完全全靠自己努力得到㗎嘛⋯⋯
仲要遞咗表俾學校 A，考完學校 A 個 written exam 後就一直冇消息；聽講已經通知咗好幾個人，當中仲有同我同一件中學且級名次低過我嘅人⋯⋯
班同學篤定我會轉校，當正我係仇人，我又唔知學校 A 到底收唔收；唔轉校就好尷尬，轉校又唔知轉唔轉到，真係騎虎難下⋯⋯唉！