#NSS個人
[Guest ] 首先，唔該晒admin 幫我出post🙇🏻♀️
小妹而家中三 讀緊間band 1B嘅女校 但係因為學校都幾遠 所以想轉校 咁問題嚟啦 我自己本身係一個幾內向嘅人 而家係呢間學校都唔多frd 自己本身又唔追星 身型較肥所以無咩自信又驚被人排斥 平時最多都係化下妝 買下護膚品 或者整下甜品 煲劇睇YouTube
我好驚到時真係冇frd 小息自己一個 放假冇frd約🥲 好驚分組冇人一齊 然後我又對新學校0認識 之後驚自已係學校蕩失路
我承認自己好多嘢諗 仲未入到間學校已經喺度驚來驚去 但係因為自己小學試過俾人欺凌 心理陰影好大 都因為嗰件事搞到自己勁自卑
因為中學大部份的人都有自己嘅小圈子 都好難去融入 除非有相同興趣 但係而家大多數人都會追星 我亦都有試過去追星 希望同多啲人有共同話題 但係我發現 如果自己唔係真係鍾意 真係好難迫自己去鍾意 （或者你哋可以推薦一啲團俾我!!!
其實自己好鍾意跳舞嘅 但係因為自己好肥 所以冇自信喺人哋面前跳 喺呢度都想問吓 有冇人讀緊九龍嘅band 1 女校 如果比着你哋 你哋會唔會比外人入你哋嘅小圈子🥲 如果有嘅話我都會放心啲 都希望其他人俾啲意見 如果真係轉咗校 應該點樣先可以識到更多朋友 拓闊自己朋友圈
Sorry for 1999 多謝你哋睇到唔到🫶🏻