#NSS學業
[GUEST] 純分享
小妹今年f2，讀某九龍b1a官中，咁呢最近考完ut, 派埋卷，有啲感慨，我一向都係鍾意做就做，唔鍾意就唔做嗰種人，我係理科人，好鍾意理科，好憎文科，而舊年f1, 第一年冇阿媽管我啲成績，就讀得好hea, 淨係溫理科，文科就淨係溫重點，語文科直接唔溫，搞到avg偏低 (你知f12八科入邊得兩科係理科㗎啦，理科高分都冇用)，自己唔開心，又有啲後悔當初唔認真溫書，不過每次後悔完一陣，又想去hea, 所以全年嘅成績基本上都係一鑊泡
好啦今年符碌入到精英班 (四班入邊有兩班精英班，唔算太難入)，學習氣氛好重，舊年根據AT成績分班, AT係小學嘢，就算考得高分都未必會喺中學讀得好，班入邊有好多人都讀得好hea，所以我從來冇體驗過呢種氣氛。而家每次test, 都一堆人滿分 (當然有少部份人唔care呢啲嘢), 你可以話係壓力，不過我自己就唔係太care排名所以冇乜嘢，只係我會因為身邊好多人都好努力，自己都會一齊努力
好慶幸今年解決到嘅一個問題，就係我唔會好似舊年咁，咁抗拒溫文科，我今年其實都唔叫鍾意咗文科，不過我至少肯打開本書，唔知點解溫吓溫吓都覺得有少少興趣，今次ut, 因為自己語文能力實在唔係太好，所以中英文就普普通通啦，理科同以前一樣會高分，至於文科，啲老師出到份卷好難，所以其實都幾低分，不過我攞到啲卷嗰陣其實係開心嘅，因為我有認真溫書，面對呢個成績，我問心無愧，甚至可以話滿意
我依家先明點解啲人話盡咗力就得，因為盡咗力，就對得起自己，你可能會話，我又唔係要入大學，學業呢啲嘢唔使理啦，不過只要你喺某方面盡力過，就會明我講乜