#NSS個人
[Guest] 是咁的 小妹F3
成日都懷疑自己係唔係有情緒病，好容易喊，本身屋企人啲思想就係覺得打先係最好嘅教育方法，所以毫無疑問我係由細被人打到大，大概係有小三開始每一次俾人鬧/打嘅時候就開始會眼花頭暈， 每次喊完會唔知自己啱啱做咗啲乜嘢，係崩潰晒，我會記得自己做咗啲乜嘢，但係完全唔知點解會咁樣做，每次一喊好想解釋跟住就會開始眼花頭暈咁樣，完全冇力連行路都唔得，我會喊到瞓喺地下，但係唔會似1咁樣嘅時候屋企人覺得我係扮晒嘢，都幾無助，每次我至少都要自己去廁所緩一陣，先恢復返理智，到咗中二開始， 自然越來越大，佢哋都做咗十幾年父母，開始唔會咁唔理智咁鬧我/打（我阿媽係性格好急，一嬲就會好無理智，我阿爸就唔係話特別理，但係我阿媽會叫阿爸管下我，係咁煩住佢，我阿爸就會好煩，撒晒啲氣落我度）但係雖然少咗，唔知點解係越嚟越嚴重囉，就上面嗰啲症狀就越嚟越嚴重，個腦白哂，即係識喊，大概中二嗰陣，開始會有俗稱鬼壓床？有上網搵過叫睡眠癱瘓，即係瞓覺之前突然間就會進入一個感覺成身都郁唔到但係係有意識咁樣，一開始都係一兩次咁樣，一次大概2分鐘到啦，緩過神之後可能幾廿秒想瞓返嘅時候就又會繼續囉，最多試過10幾次，同埋會耳鳴，即係而家開始會耳仔係咁有啲聲，係個腦到發出嚟，大概就係咁啦。但係自問自己都係一個都幾開朗嘅人，我冇放棄過同朋友傾訴呢啲嘢，但係我係咪太開朗？可能覺得每日都開心嘅人就唔會有唔開心嘅事，自己脾氣自問都幾好，想問係咪脾氣好嘅人就唔會嬲？同friend講完可能當下會安慰下我咁樣啦，但係到頭來完全冇人在意囉，所以就變到自己成日收收埋埋，真係好難搵到一個真係肯聽自己講嘢，又理解到嘅人，拋開政治話題，如果同我一樣嘅認真真係好推介你哋去聽華晨宇嘅歌，每次聽都會好崩潰但係喊完就會舒服晒！其實諗吓我自己人際關係算好都幾多friend，真係有試過好認真咁同一個人做friend即係想做個種乜嘢都淨係同佢講，我一講佢就明，知己知彼嗰種朋友，但係每一次都會覺得好似又真係唔合適，大家喺生活中應該都會有雙面人，好唔鍾意呢啲人，多謝你哋睇到呢度！自己細細個到而家就係我婆婆帶大，父母兩個都要返工，雖然婆婆都成日打我鬧我但係我好鍾意我婆婆，冇乜特別意思淨係想表達下😂，多謝你哋睇到呢度🙇🏼♀️🥲