#NSS家庭
[［guest]] adimn post IG thx!🙇🏻♀️
第一次投稿同埋篇文會有少少長 Sor for 1999
是咁的，最近母親節我收到一個「驚喜」🤔
首先小妹出世其實係一個意外😂兩歲嘅時候阿爸阿媽離咗婚，於是就由阿婆嗰邊搬咗返去阿嫲度住，後來阿爸拍過兩次拖但最後都係分手收場。小學三年級時候有一日阿爸就介紹咗一個女人俾我識，(稱呼佢為Y先啦)佢就話呢個係佢女朋友，其實當時都唔意外，因為對上嗰兩次都係咁，當時亦都得知Y離過婚同有一個一歲幾嘅仔，之後我阿爸亦都帶咗我去見Y個仔，當時大家都相處得幾融洽。而且自從見過大家之後Y同佢個仔就成日都上黎我屋企過夜。(￣-￣)
後來大家都熟咗，Y就開始會鬧我，阿爸每次都會聽佢講完全當我冇到，每次淨係會聽Y講，咁我亦都開始有啲討厭Y。去到五年級嘅時候，有一次就去左staycation ，見到車尾箱已經有幾箱嘢就覺得有啲怪。原來阿爸要同Y求婚但好明顯Y一早就知，所以我好肯定佢哋係夾埋做場戲俾我睇，但當實在有啲突然所以唔知點反應自己亦都爭啲喊咗出嚟，因為我一啲都唔想Y做我阿媽。最後冷靜返就幫佢哋影咗幾幅相就算。自此之後我就被迫要叫佢阿媽…(之後都冇註冊冇行禮…🤦🏻♀️)
去到上年年頭就租咗間屋一齊住，同Y一齊生活真係好煩╮(￣-￣””)╭所有嘢都要全家人就住佢，佢減肥就要成家人陪佢食減肥餐，佢怕凍成家人都唔准開冷氣等等
多謝大家睇到呢度，入返正題先，上個禮拜母親節就去咗同親生阿媽食飯。咁返到屋企沖完涼之後我細佬(Y個仔)就走出嚟同我講話媽媽有咗BB…我嗰下心諗WTF??我答咗句哦之後就即刻衝左入房，驚到喊咗，成件事太突然，驚到果一晚我淨係瞓咗兩個鐘多d(~_~;)而家諗起我即將會有一個細佬或者阿妹佢同我爭成十幾年年真係唔知點反應。究竟我可以點樣先接受到?希望大家可以俾啲意見(´･_･`)
多謝你哋睇到呢度
再次感謝admin & sor for 1999🙇🏻♀️