#NSS學校
[ksss] 經過呢件事之後，我想轉校。
小妹第一次投稿，sorry for 1999🙏🏻🙇🏻♀️🙇🏻♀️
長文慎入‼️‼️
講下我哋點識先，我同frd A 係partner，開學大家一齊鎖手機，住附近，所以一齊返學，熟咗
frd B ，開學前有班group ，求其問咗佢be唔be frd.後尾面授課發現大家有好多共同話題，好啱傾。傾吓傾吓大家都熟咗。
小妺我08，f.1 🙆🏻♀️ 我係讀女校，入學之前都太抗拒女校，直到發生一連串嘅事。本身我同frd B 都幾熟大家有好多共同話題，大家有咩心事都會攞出來講。後尾就同frd A 都熟,由於B做咗好多令我反感嘅事我就冇乜點理佢亦都冇WhatsApp佢(嗰陣時網課)跟住我就搵A，日日同佢打機一齊玩。返到面授課，A同B都有搵我，但係我都係同A friend啲。因為小學有過三人友誼，唔開心，唔鍾意。我亦都同佢哋兩個講過，近排佢哋癡得越嚟越近，本身我覺得係好事，因為大家可以傾偈，但係越嚟越唔妥。三個一齊行，佢係兩個黐住，自己行前邊得我自己係後面😬次數越來越多。完全忽略我，我唔同A做嘅嘢呢B就會同佢去，做搞到我好似衰人咁(前提係A根本就唔需要)。
有一日我哋三個去食飯，食完飯之後一齊行，突然間B行去A嗰度，兩個行好埋好似喺度講秘密，咁我行近少少，跟住B推我，同我講：「行開啲啦你！」跟住我嗰一刻真係呆晒😟你地兩個講秘密都私底下講啦，當住我面講。但係佢推我真係接受唔到，仲要同我講行開啲，跟住我就嬲咗，自己打俾其他friend同埋去搵佢哋，A同B一直跟着我，B係咁同我講嘢，但係我完全冇理過佢。直到我哋玩完我都冇理過佢。跟住A同B就自己走咗。
至於點解我會嬲埋A，因為A居然唔理我，繼續同B講嘢，我之前同佢講過我唔鍾意B，因為B啲行為真係好唔掂。
有
次佢知道我男朋友要嚟接我放學，佢特登走去屋企換衫，仲要拖埋我過去，佢明唔知佢身材好過我，show晒佢隻長腿出嚟😟冇話唔俾佢換衫，但係佢知佢身材好過我，我男朋友係到佢都應該自覺少少啦（？？？
跟住成日又好似喺度發姣，每次見到仔都要喺度搞吓啲陰，仲要乘機除口罩show佢個靚樣😐好似好想D仔嚟問佢攞IG咁，好啦啲仔過去問佢攞IG啦，佢又覺得人地有病。
仲有次放學我趕時間，擺咗書包喺課室就同A去咗洗手間，跟住返到嚟我發現我同埋A個書包都唔見咗，跟住佢喺度笑我就知道佢收埋咗我哋個書包，跟住我同你就逐個逐個locker去搵，好喇搵到喇，跟住諗住走啦，佢同我講話「你確定你冇漏嘢？」本身我自己都唔察覺有，但係咁樣俾佢講我驚驚地，跟住我就逐個逐個locker搵，30幾個locker來回搵咗N次🤥跟住我諗住放棄，因為我趕時間約咗人，佢同我講咗句「其實冇嘢」跟住我嗰刻內心又爆炸🥸我趕時間，我已經放學陪你癲，但係最後你同我講冇嘢嗰刻我真係(🤯🤯🤯頭都爆炸，我約咗人要人哋等幾唔好意思，最後玩完其實係冇嘢😑
佢話佢係小學女校升上嚟，話佢小學啲女仔幾宮心計，欺凌佢，講到佢好慘好慘，好想有人可憐佢，但係佢有好多friend喎❓❓佢又要同人做friend，又要背後講佢壞話😥❓
跟住我覺得女校D八婆真係仆街，我小學有班男仔friend，同男仔玩真係完全唔似同女仔，女仔太鍾意喺人哋背後講壞話，雙面人，男仔有咩照直講，又唔會宮心計，同男仔玩真係開心好多😬我真係好想轉返去男女校校，因為女校真係好多八婆….