#NSS個人
[GUEST] Admin plz po ig thx
唔該我想問吓我應該點先可以脫離呢個魔掌?
件事係咁嘅：
呢排我覺得自己一日比一日唔開心，以前嘅我唔開心嘅時候都會常試諗吓啲開心嘢，會同啲好朋友傾心事，但係而家完全冇勇氣去開口同人講嘢(連自己屋企人都冇)+全部諗嘅嘢都係好負面。我有試過上網做啲有關抑鬱症嘅測試，結果係中度至嚴重抑鬱。
我一向都係一個開朗嘅女仔，但係自從上個月我去咗外國讀書之後，我幾乎日日都好唔開心。而家我每一日只會食一餐，因為跟本就冇胃口食嘢。有時候如果我唔肚餓嘅話，我就會直接skip咗佢，直至到反胃先會去食。
以前，我好鐘意同人社交，識吓新朋友，從來都唔會想自己一個孤單寂寞。但係，我而家只想乜都唔做，只會日日趴喺間房嘅書枱度喊，直到自己喊到頭暈。我一直都有諗過不如自殺，因為我覺得就係因為我出現喺呢個世界，所以先會有咁多麻煩。上個禮拜，我本來諗住試吓由屋企個窗度跳落去，但係有個鎖卡住咗個窗，我開唔到。我都有試過用界刀界手，但係我界極都界唔死，所以我就放棄咗。我亦都有諗過跳海，但係我去到海邊嘅時候，周圍都有好多人，咁應該會好容易比人發現。我唔想係眾人面前自殺，我想自己一個孤獨咁死。
就嚟到考試嘅時候，我每一日嘅行程都只係一路溫書一路喊，有時會諗吓我幾時先會死。當我考得唔好嘅時候，我會係咁諗自問自己究極有幾廢，有幾垃圾。
我成日覺得自己有一個好垃圾，會令人煩厭嘅人，連我自己都憎自己。
有時候唔知係咪我諗多咗，一直都覺得屋企人其實唔鐘意我。係我臨去外國之前嗰一個禮拜，我聽到阿媽同人講佢有啲後悔生咗我。我聽到之後就有啲唔舒服，諗住同啲損友傾。但係佢哋可能覺得我好煩，所以冇理我，就咁hea 應咗我，所以我一直都冇同人傾。我一直都想搵一個好人同傾，幫我分吓心，但係我唔知可以係邊度搵。
多謝大家睇到呢度，希望大家可以比啲意見我，我下一步應該點?🙇🏻♀️萬分感謝
圖Link: