#NSS愛情
[cfss 1e] 小妹08，升中二，鍾意咗自己班嘅男班長，佢好高，個樣都唔差，佢一向都好樂於助人，又有領導才能，無論男仔鬧交，女仔搞是非，佢通通搞得掂，之前有次有兩個男仔打交，佢二話不說隔開佢哋兩個，但係其中一個男仔唔小心打咗落佢到，個同學平時都幾大力，我feel到班長都幾痛下，但係佢點都話冇事，佢IH好勁，但係小妹IH好差，好多野都唔識唔明，所以老師叫佢同其他IH好嘅同學教我哋啲IH差嘅同學，咁啱佢負責教我，佢唔介意我蠢，反而好耐心咁教我，冇幾耐喺考試成績都有進步，自從呢次之後，我越嚟越欣賞佢，慢慢鍾意咗佢，我試過揾機會同佢傾計，但係佢唔理我，問過佢幾次一唔一齊食飯，佢次次都話唔得閒，我有諗過同佢表白，但係最後都係唔夠膽，我有問過佢啲兄弟有咩方法可以追到佢，但係從佢啲兄弟口中話佢鍾意一個讀瑪利曼嘅女仔，我嗰下真係好失望，不過佢哋話冇相，冇相冇證據，單憑佢啲兄弟嘅講法，同埋班長對愛情呢啲野好低調，所以我唔信，唔知點解名校女仔咁吸引，今年我成績好差，冇得入番精英班，同唔到佢一班，請問有咩方法可以搵到話題同佢傾計或者追到佢？
Sorry for 1999